كەي ەلدە بانكروت بولعان ادامدار شەتەلگە شىعارىلمايدى.
قارجى ۆيسە-مينيسترى ەرجان ءبىرجانوۆتىڭ مالىمدەۋىنشە، بانكروت دەپ تانىلعان قازاقستان ازاماتتارىنا شەكارادان شىعۋعا ەشقانداي شەكتەۋ قويىلمايدى، دەپ حابارلايدى Almaty-akshamy.kz
ءبىرقاتار ەلدە بانكروت بولعان ادامدارعا شەتەلگە شىعۋعا تىيىم سالىنادى، ءبىراق قازاقستان زاڭناماسىندا مۇنداي نورما جوق.
تەك سوت بانكروتتىعى بويىنشا پروسەدۋرا جۇرگىزىلەتىن كەزەڭدە عانا ەل اۋماعىنان شىعۋعا بولمايدى.
«ءبىزدىڭ زاڭنامادا تەك قانا ەكىنشى ءتاسىل (سوت بانكروتتىعى) بويىنشا سوتقا جۇگىنگەن كەزدە، پروسەدۋرا التى اي قارالاتىن كەزدە عانا شەكتەۋ قويىلادى. سەبەبى پروسەدۋرا سوزىلىپ كەتۋى مۇمكىن. ازامات سوتقا جۇگىنىپ، شەت ەلگە شىعىپ كەتسە، پروسەدۋرا توقتاپ قالادى. سوندىقتان ناقتى شەشىم قابىلدانعا دەيىن شەكتەۋ قويىلادى»، - دەپ ءتۇسىندىردى ءبىرجانوۆ.
قارىزىن تولەي الماي جۇرگەن قازاقستاندىقتار 3 ءتۇرلى ءراسىم بويىنشا كرەديتىنەن قۇتىلا الادى.
ءبىرىنشى ءراسىم – سوتتان تىس بانكروتتىق. ونى تەك بانكتەر، ميكروقارجى ۇيىمدارى جانە كوللەكتورلىق اگەنتتىكتەر الدىنداعى قارىزدار بويىنشا قولدانۋعا بولادى.
مىنا شارتتار ساقتالۋى قاجەت:
بورىش 5،5 ملن تەڭگەدەن (1600 اەك) اسپايدى؛
كرەديت 12 اي بويى وتەلمەگەن بولۋى كەرەك؛
مەنشىگىندە تىركەلگەن مۇلىك، ونىڭ ىشىندە ورتاق مەنشىكتەگى مۇلىك بولماعان جاعدايدا؛
بانكپەن رەتتەۋ جۇرگىزىلگەننەن كەيىن جاسالادى.
بۇل رەتتە اتاۋلى الەۋمەتتىك كومەك الۋشىلار ءۇشىن 6 اي ىشىندە جانە بەرەشەگى 5 جىلدان ارتىق وتەلمەگەن ازاماتتار ءۇشىن ەرەكشە جاعدايلار كوزدەلگەن.
ەكىنشى ءراسىم – سوت بانكروتتىعى. سوت بانكروتتىعىنىڭ ماقساتى – بانكروتتىڭ مۇلىكتىك ماسساسى ەسەبىنەن كرەديتورلاردىڭ تالاپتارىن بارىنشا قاناعاتتاندىرۋ. بۇل ءراسىمدى قارجى باسقارۋشىلارى جۇزەگە اسىرادى، ولاردىڭ قۇرامىنا جۇمىس ىستەپ تۇرعان اكىمشىلەر، كاسىبي بۋحگالتەرلەر، زاڭ كەڭەسشىلەرى مەن اۋديتورلار كىرەدى.
ءۇشىنشى ءراسىم، بۇل – تولەم قابىلەتتىلىگىن قالپىنا كەلتىرۋ، وندا سوت ارقىلى بورىشتى ءبولىپ-بولىپ تولەۋ (5 جىلعا دەيىن) مۇمكىندىگى كوزدەلەدى. ونىڭ ارتىقشىلىعى – ازامات «بانكروت» دەپ سانالمايدى. دەمەك بانكروت ءۇشىن كوزدەلگەن سالدارلار وعان قولدانىلمايدى.