«قازاق كينوسىنىڭ ۇلى تۇلعالارى» بايقاۋىنىڭ قورىتىندىسى شىقتى

بايقاۋعا ت. جۇرگەنوۆ اتىنداعى ونەر اكادەمياسىنىڭ كينو فاكۋلتەتىنىڭ ستۋدەنتتەرى - بارلىعى 30-دان استام ادام قاتىستى.

الماتى قالاسىنىڭ «رۋحاني جاڭعىرۋ» جوبالىق كەڭسەسى قازاقستان رەسپۋبليكاسىنىڭ تاۋەلسىزدىك كۇنى قارساڭىندا «تاريحتىڭ كينو ونەرى مەن تەليەۆيزياداعى كورىنىسى» ارنايى جوباسىن ىلگەرىلەتۋ اياسىندا ۇيىمداستىرىلعان «قازاق كينوسىنىڭ ۇلى تۇلعالارى» بايقاۋىنىڭ قورىتىندىسىن شىعاردى، دەپ حابارلايدى Almaty-akshamy.kz

بايقاۋعا ت. جۇرگەنوۆ اتىنداعى ونەر اكادەمياسىنىڭ كينو فاكۋلتەتىنىڭ ستۋدەنتتەرى - بارلىعى 30-دان استام ادام قاتىستى. ءاربىر ۇسىنىلعان جۇمىس شاكەن ايمانوۆ، ءامينا ءومىرزاقوۆا، سەركە قوجامقۇلوۆ جانە ت.ب سياقتى قازاق كينوسى كوريفەيلەرىنىڭ ءومىرى مەن شىعارماشىلىعىنا دەگەن ۇلكەن ماحاببات، جىلۋلىق جانە ءىلتيپاتقا تولى.

تاۋەلسىز ساراپتاما كوميسسياسىنىڭ تالداۋ قورىتىندىسى بويىنشا، ۇزدىك ءۇش جۇمىس ىرىكتەلىپ الىندى. وندا ستۋدەنتتەر ءبىزدىڭ مادەني مۇرامىزعا - قازاق كينوسى مەن تەليەۆيزياسىنا وزدەرىنىڭ كرەاتيۆتى كوزقاراسىن ءبىلدىردى. بايقاۋ جەڭىمپازدارى اقشالاي سىيلىقتارمەن جانە ديپلومدارمەن ماراپاتتالدى.

«ۇزدىك رەجيسسۋرا» نوميناسياسى بويىنشا «يگور ۆوۆنيانكو: چەلوۆەك – وركەستر» ءفيلمىنىڭ اۆتورلارى، «كرەاتيۆتى شەشىم» نوميناسياسى بويىنشا «ناش ميلىي دوكتور – يۋريي پومەرانسيەۆ» ءفيلمىنىڭ اۆتورى، «ۇزدىك فيلم» نوميناسياسى بويىنشا جۋرناليست بەيسەن قۇرانبەك تۋرالى «ب ا ق» ءفيلمىنىڭ اۆتورلارى ماراپاتتالدى. سونداي-اق، وزگە دە ستۋدەنتتەر، شىعارماشىلىق توپتار مەن وقىتۋشىلار ارنايى ديپلومدارمەن جانە العىس حاتتارمەن ماراپاتتالدى.

ءىس-شاراعا الماتى قالاسىنىڭ «رۋحاني جاڭعىرۋ» جوبالىق كەڭسەسىنىڭ وكىلدەرى كاسىموۆا راۋشان نۋركاسىموۆنا، كاسىمەتوۆا باحىتگۋل تەحنيكوۆنا، ت.جۇرگەنوۆ اتىنداعى ونەر اكادەمياسىنىڭ رەكتورى امىربەكوۆ شارىپبەك اعاباي ۇلى جانە وقىتۋشىلار مەن ستۋدەنتتەر قاتىستى.

بايقاۋ ۇيىمداستىرۋشىلارى مۇنداي ءىس-شارالاردىڭ مادەني مۇرانى جانداندىرۋ مەن ساقتاۋعا، ستۋدەنتتەردىڭ كرەاتيۆتى ويلاۋىن دامىتۋ جانە جاس ۇرپاقتىڭ شىعارماشىلىعىن ىنتالاندىرۋعا ىقپال ەتەتىنىن اتاپ ءوتتى.