الماتى وبلىسى ىلە اۋدانىنا قاراستى بايكەنت اۋىلىندا توتەنشە جاعداي بولىپ، ەر ادام تەرەڭدىگى شامامەن ءتورت مەتر بولاتىن شۇڭقىرعا قۇلاپ كەتكەن،- دەپ حابارلايدى اqshamnews.kz ءتىلشىسى تجم باسپا ءسوز قىزمەتىنە سىلتەمە جاساپ حابارلايدى.
وقيعا قالاي بولدى؟
توتەنشە جاعداي تۋرالى حابار 112 نومىرىنە كەلىپ تۇسكەن. شاقىرتۋ بويىنشا وقيعا ورنىنا قۇتقارۋشىلار جەدەل جەتىپ، شتۋرمالىق باسپالداق ارقىلى شۇڭقىرعا ءتۇسىپ، 1978 جىلى تۋعان ازاماتتى جوعارىعا شىعاردى.
ەر ادامعا العاشقى مەديسينالىق كومەك كورسەتىلگەننەن كەيىن، ول ءارى قاراي تەكسەرۋ ءۇشىن جەدەل جاردەم بريگاداسىنا تاپسىرىلدى.
تجم ەسكەرتۋى
ق ر توتەنشە جاعدايلار مينيسترلىگى ازاماتتارعا ومىرگە ءقاۋىپ تونگەن ساتتە نەمەسە توتەنشە جاعداي كەزىندە بىردەن 112 نومىرىنە قوڭىراۋ شالۋعا شاقىرادى.