اقش-تا ءقاۋىپتى ۆيرۋستاردى تاسىمالداۋى مۇمكىن مايمىلدار جۇك كولىگى اۋدارىلعاننان كەيىن قاشىپ كەتتى، دەپ حابارلايدى Aqshamnews.kz ءتىلشىسى Independent باسىلىمىنا سىلتەمە جاساپ.
وقيعا ميسسيسيپي شتاتىندا بولعان. جۇك كولىگىندە گەپاتيت س، گەرپەس جانە COVID-19 ۆيرۋسىن تاسىمالداۋ ءقاۋپى بار زەرتحانالىق مايمىلدار بولعان. I-59 فەدەرالدى تاس جولىندا، گەيدەلبەرگ قالاسىنىڭ سولتۇستىگىندە كولىك اۋدارىلىپ، بىرنەشە مايمىل قاشىپ كەتكەنى انىقتالدى.
بيلىك وكىلدەرىنىڭ مالىمەتىنشە، ءبىر مايمىل ءالى ىزدەستىرىلىپ جاتىر. جانۋارلار ارنايى توردا بولعان جانە ولار فلوريدا شتاتىنا زەرتتەۋ ورتالىعىنا جەتكىزىلۋ كەرەك بولعان.
The Guardian دەرەگىنە سۇيەنسەك، سالماعى شامامەن 12 كەلىلىك بۇل مايمىلدار اگرەسسيالىق مىنەز كورسەتكەن. قاۋىپسىزدىك ماقساتىندا ولارعا جاقىنداۋعا تەك جەكە قورعانىس قۇرالدارىن پايدالانعان جاعدايدا عانا رۇقسات بەرىلگەن.