ءورتتىڭ شىعۋ سەبەبى انىقتالىپ جاتىر.
تۇركىستاندا كورىكتى جەرلەردى ارالاپ، ساياحاتتاۋعا ارنالعان 14 ەلەكتروموبيل ورتەنىپ كەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
وقيعا 15 ءساۋىر كۇنى ساعات 4:17-دە بولعان. «ياسسى نۇر» سەرىكتەستىگىنە تيەسىلى 216 شارشى مەتر باستىرما جانە سول جەردەگى 14 ەلەكتروموبيل وتقا ورانعان. ءورت سوندىرۋشىلەر ساعات 4:47-دە ءورتتى سوندىرگەن.
ادامدار امان. ءورتتىڭ شىعۋ سەبەبى انىقتالىپ جاتىر.
ايتا كەتسەك، توتەنشە جاعدايلار مينيسترىلىگىنىڭ ەسەبى بويىنشا ەلدە تىركەلگەن وقيعالاردىڭ 96،5%-ى – تەحنوگەندىك سيپاتتاعى توتەنشە جاعدايلار.
«تەحنوگەندىك سيپاتتاعى جاعدايلاردىڭ نەگىزگى ۇلەسى – وندىرىستىك جانە تۇرمىستىق ورتتەر. ولاردىڭ كولەمى – 88،6%. 2023 جىلعى ءۇش ايدا 2 304 ءورت بولدى، ودان 199 ادام زارداپ شەكتى، 120 ادام قازا تاپتى. ماتەريالدىق شىعىن 703،59 ملن تەڭگە»، - دەپ كورسەتىلگەن ۆەدومستۆو مالىمەتىندە.