جىل باسىنان بەرى 90-نان استام قىلمىس وبلىس اۋماعىندا قىزمەتتىك-ىزدەستىرۋ يتتەرىنىڭ كومەگىمەن اشىلدى.
قىزمەتتىك-ىزدەستىرۋ يتتەرى پوليسيا جۇمىسىندا ەرەكشە ماڭىزعا يە. ولار قىلمىستاردى اشۋ، جارىلعىش زاتتاردى، ەسىرتكىنى جانە باسقا ماقساتتاردى ىزدەۋ ءۇشىن قولدانىلادى.
"جىل باسىنان بەرى ءتورت اياقتى كومەكشىلەر 363 رەت وقيعا ورنىنا شىققان، 91 قىلمىستى اشۋعا قاتىسقان. قىزمەتتىك-ىزدەستىرۋ يتتەرى ارقىلى اشىلعان قىلمىستاردىڭ كوپشىلىگى ۇرلىق بولىپ تابىلادى. جەدەل-ىزدەستىرۋ ءىس-شارالارى بارىسىندا ەسىرتكى زاتتاردىڭ زاڭسىز اينالىمىنا بايلانىستى – 12 فاكت انىقتالعان، ونىڭ 5ء-ى ەسىرتكى قىلمىسى"، – دەدى الماتى وبلىسى پد كقو باستىعى ەرلان مۋساپيروۆ.
كاسىبي دەڭگەيىن ارتتىرۋ ماقساتىندا كينولوگ-ينسپەكتورلار تۇراقتى نەگىزدە ارنايى وقىتۋ جانە قايتا دايارلاۋ كۋرستارىنان وتەدى. قىزمەتتىك يتتەردى قولدانۋ پوليسيانىڭ كۇندەلىكتى جۇمىسىنىڭ اجىراماس بولىگى. تاجىريبە كورسەتكەندەي، ولار قىلمىسپەن كۇرەسۋگە جانە ازاماتتاردىڭ زاڭدى قۇقىقتارىن ساقتاۋعا ايتارلىقتاي ۇلەس قوسادى.