ءتجم-نىڭ 37 كينولوگيالىق ەسەپتوبى سەرتيفيكاتتاۋ سىناقتارىنان وتەدى
2023 جىلدىڭ 15 مامىرىندا الماتى وبلىسىنىڭ تامعالى تاس شاتقالىندا ورنالاسقان "جارتاستى قالا-استانا" وقۋ – جاتتىعۋ پوليگونىندا قازاقستان رەسپۋبليكاسى تج ۆيسە-مينيسترى م. م. كۇلدىكوۆتىڭ باسشىلىعىمەن "قازقۇتقارۋ-2023" حالىقارالىق جيىن-سەمينارىنىڭ 1ء-شى كەزەڭى سالتاناتتى تۇردە اشىلدى، دەپ حابارلايدى Almaty-akshamy.kz.
جيىن-سەمينار اياسىندا 15-16 مامىر ارالىعىندا دالا جاعدايىندا ەلىمىزدىڭ بارلىق وڭىرلەرىنەن 45 ەرىكتىنى تارتا وتىرىپ، تج-عا دەن قويۋ سالاسىنداعى ەرىكتىلەردىڭ رەسپۋبليكالىق فورۋمى وتەدى.
حالىقارالىق ازاماتتىق قورعانىس ۇيىمىنىڭ قولداۋىمەن 15-18 مامىردان باستاپ قازاقستان توتەنشە ۆەدومستۆولارى قىزمەتكەرلەرىنەن - 45 ادام، قىرعىزستاننان – 2، تاجىكستان – 2 جانە وزبەكستاننان – 2 ادامنىڭ قاتىسۋىمەن تج الدىن الۋ جانە جويۋ جونىندەگى مىندەتتەردى ورىنداۋ ءۇشىن پيلوتسىز اۆياسيانى قولدانۋ بويىنشا ماستەر – ترەنينگ جانە جارىستار، سونداي-اق 45 قىزمەتكەرىنەن تۇراتىن قازاقستان جانە 2 قىزمەتكەردەن تۇراتىن قىرعىزستان، تاجىكستان جانە وزبەكستان توتەنشە ۆەدومستۆولارىنىڭ كينولوگيالىق ەسەپتوپتارىنا ارنالعان ماستەر-ترەنينگ وتكىزىلەدى.
22-24 مامىر ارالىعىندا توتەنشە جاعدايلار كەزىندە زارداپ شەككەندەردى ىزدەۋ داعدىلارىن تەكسەرۋ ءۇشىن ءتجم-نىڭ 37 كينولوگيالىق ەسەپتوبى سەرتيفيكاتتاۋ سىناقتارىنان وتەدى.
سونىمەن قاتار شەتەلدىك ماماندار توتەنشە جاعدايلاردى جويۋ بولىمشەلەرىنىڭ قىزمەتكەرلەرى ءۇشىن تەوريالىق جانە پراكتيكالىق ساباقتار ۇيىمداستىرادى، وبلىستىق تج دەپارتامەنتتەرىنىڭ بارلىعى 20 قىزمەتكەرى جۇمىلدىرىلادى.
بارلىق سەمينارلار مەن ترەنينگتەرگە حالىقارالىق ازاماتتىق قورعانىس ۇيىمى مەن توتەنشە جاعدايلار جانە تابيعي ءزىلزالالاردىڭ ءقاۋپىن ازايتۋ ورتالىعىنىڭ قولداۋىمەن توتەنشە جاعدايلاردى جويۋ بويىنشا ۇلكەن تاجىريبەسى بار حالىقارالىق ماماندار تارتىلدى.
جالپى، "جارتاستى قالا-استانا" وقۋ-جاتتىعۋ پوليگونى - قۇتقارۋ جۇمىستارىنىڭ بارلىق تۇرلەرىن جۇرگىزۋگە امبەباپ بەيىمدەلگەن تمد-عى جالعىز پوليگون. مۇندا 20 مىڭنان استام قۇتقارۋشى قايتا دايارلاۋدان ءوتتى، جىل سايىنعى كينولوگيالىق قىزمەت سەرتيفيكاتتارىن الادى، سۇڭگۋىرلەر مەن الپينيستەر ءوز شەبەرلىكتەرىن جەتىلدىرەدى، قۇتقارۋ اۆياسياسى پيلوتتىق داعدىلارىن پىسىقتايدى، ەل وڭىرلەرىنەن قۇتقارۋشىلار پايدالى اقپاراتپەن الماسادى، جۇمىس تاجىريبەسى مەن قۇتقارۋ تەحنولوگيالارىمەن بولىسەدى.
جيىن-سەميناردىڭ ءبىرىنشى كەزەڭى تۇركى مەملەكەتتەرى ۇيىمى ەلدەرىنىڭ توتەنشە ۆەدومستۆولارى قۇتقارۋشىلارىنىڭ بىلىكتىلىگىن ارتتىرۋ جونىندەگى حالىقارالىق وقۋ – جاتتىعۋلارعا دايىندىق ءىس-شارالارىنىڭ ءبىر بولىگى بولىپ تابىلادى، اعىمداعى جىلدىڭ قىركۇيەك ايىندا "جارتاستى قالا-استانا"پوليگونى بازاسىندا جوسپارلانعان.