14 مامىر كۇنى تۇركيادا پارلامەنت جانە پرەزيدەنت سايلاۋى ءوتتى
تۇركيادا پرەزيدەنت سايلاۋىنىڭ ەكىنشى كەزەڭى 28 مامىردا وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى ەلدىڭ ورتالىق سايلاۋ كوميسسياسىنىڭ باسشىسى احمەت يەنەر بيۋللەتەندەردىڭ 100 پايىزى سانالعاننان كەيىن ءمالىم ەتتى.
ونىڭ ايتۋىنشا، ەل ىشىندە داۋىس بەرۋشىلەردىڭ بەلسەندىلىگى 88،92 پايىزدى قۇرادى، شەت ەلدەردە – 52،69 پايىز.
ەسكە سالايىق، جەكسەنبى، 14 مامىر كۇنى تۇركيادا پارلامەنت جانە پرەزيدەنت سايلاۋى ءوتتى.
بيۋللەتەندەردىڭ 99،38% سانالعان كەزدە داۋىس بەرۋ ناتيجەسى كەلەسىدەي بولعان ەدى: رەجەپ تاييپ ەردوعان - 49،42%، رەسپۋبليكالىق حالىق پارتياسىنان كانديدات كەمال كىلىچداروگلۋ - 44،95%، «اتا» ساياسي اليانسىنىڭ وكىلى سينان وگان - 5،20%.