الماتى وبلىسىندا «قارادالا شايقاسى» ساحنالاندى

الماتى وبلىسى شونجى اۋىلىندا ايگىلى «قارادالا شايقاسىنىڭ» ساحنالىق قويىلىمى ءوتتى.

بۇل شارا قاسىرەتتى «اقتابان شۇبىرىندى، القاكول سۇلامانىڭ» 300 جىلدىعىنا وراي ۇيىمداستىرىلدى. 

  قويىلىمدى تاماشالاۋعا 2 مىڭنان استام حالىق جينالدى. گولليۆۋدقا تانىلعان  «Kazakh Union Action Team» كاسكادەرلىك توبى مەن ەلىمىزدىڭ بەلگىلى كينواكتەرلەرى قاتىسىپ، بارلىعى 100-گە جۋىق ادام تاريحي وقيعانى كورەرمەن نازارىنا ۇسىندى. قويىلىم 5 ءتۇرلى كورىنىستەن تۇردى. جوڭعار شاپقىنشىلىعى مەن سول كەزدەگى قازاق اۋىلدارىنىڭ تۇرمىس-تىرشىلىگىن كورسەتتى. سونىمەن قاتار حالىق «باۋىرساق پاتيگە» قاتىسىپ، ۇلتتىق تاعامداردان اۋىز ءتيدى. زەرگەرلەر  مەن قولونەرشىلەر شەبەرلىك ءدارىسىن وتكىزدى. مادەني ءىس-شارا اياسىندا ۇلتتىق سپورت تۇرلەرىنەن جارىس ءوتتى. 

«وتكەنىن ەسكە العان – وسكەندىكتىڭ بەلگىسى، وتكەنىن ۇمىتقان – وشكەندىكتىڭ بەلگىسى» دەگەن ماقال بار. سول بۇگىنگى كورىنىستە ەلىمىزدىڭ تاۋەلسىز ەلدىڭ وسكەنىن كورسەتىپ وتىر. ويتكەنى وتكەن تاريحتى بۇگىنگى ومىرمەن ساباقتاستىرىپ، بايلانىستىرىپ كورسەتىپ وتىر»، - دەدى  قازاقستاننىڭ ەڭبەك سىڭىرگەن قايراتكەرى اسىلى وسمان.