باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى قازاقستاننىڭ پولشاداعى ەلشىلىگىنىڭ كومەگىمەن پولشا رەسپۋبليكاسىنان ترانسۇلتتىق ۇيىمداسقان توپتى قۇرۋ جانە باسقارۋ ءۇشىن قىلمىستىق جاۋاپكەرشىلىككە تارتۋ ماقساتىندا ۋكراينا ازاماتىن ەكستراديسيالادى.
ول 2022 جىلى قۇرعان قىلمىستىق توپ قازاقستان اۋماعىندا اسا ءىرى كولەمدە پسيحوتروپتىق زاتتاردى وندىرۋمەن جانە ساتۋمەن اينالىسقان، دەپ حابارلايدى Almaty-akshamy.kz ق ر باس پروكۋراتۋراسىنا سىلتەمە جاساپ.
تاركىلەنگەن زاڭسىز زاتتاردىڭ كولەمى 1 توننادان استام، ال ولاردىڭ زاڭسىز اينالىمداعى جالپى قۇنى 1،5 ملرد تەڭگەنى قۇرايدى.
كورسەتىلگەن قىلمىستاردى جاساعاننان كەيىن ۇيىمداسقان توپ مۇشەلەرى قۇرىقتالدى، ال ونىڭ جەتەكشىسى جاسىرىنىپ، وعان حالىقارالىق ىزدەستىرۋ جاريالانعان.
2023 جىلدىڭ تامىز ايىندا كۇدىكتى پولشانىڭ اۋماعىندا ۇستالدى.
قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا ول ەكستراديسيالانىپ، قازىرگى ۋاقىتتا استانا قالاسىنىڭ تەرگەۋ يزولياتورىنا قامالدى.
ايىپتالعان قىلمىستاردى جاساعانى ءۇشىن مۇلكى تاركىلەنىپ، ون بەس جىلدان جيىرما جىلعا دەيiنگi مەرزiمگە باس بوستاندىعىنان ايىرۋ نە ءومىر بويىنا باس بوستاندىعىنان ايىرۋ تۇرىندەگى جازا كوزدەلگەن.