الماتى وبلىسىندا قاسكەلەڭ وزەنىندە وتباسىمەن دەمالىپ جۇرگەن 11 جاسار بالا ابايسىزدا سۋعا قۇلاپ، ونى اعىس الىپ كەتكەن، دەپ حابارلايدى Almaty-akshamy.kz Inform.kz-كە سىلتەمە جاساپ.
بالانىڭ تۋىستارى ونى ىزدەۋگە كومەكتەسكىسى كەلەتىندەردەن، ەرىكتىلەردەن جاردەم سۇراپ وتىر.
«ءالي وتباسىمەن بىرگە وزەن جاعاسىندا دەمالدى. بالا وزەن جاعاسىندا سۋرەتكە تۇسكىسى كەلىپ، كەنەتتەن سۋعا قۇلاپ كەتكەن. اناسى ۇلىن قۇتقارۋعا تىرىستى، ءبىراق ودان تۇك شىقپادى»، - دەلىنگەن Instagram جازباسىندا.
الماتى وبلىسى توتەنشە جاعدايلار دەپارتامەنتىنىڭ حابارلاۋىنشا، قاراساي اۋدانىنا قاراستى قاسكەلەڭ شاتقالىنداعى قاسكەلەڭ وزەنىنە بالانىڭ قۇلاپ كەتكەنى تۋرالى حابارلاما 18 تامىز كۇنى ساعات 14:40-تا تۇسكەن.
«وقيعا ورنىنا قاراساي اۋدانى توتەنشە جاعدايلار ءبولىمى جانە قاسكەلەڭ قالاسى ءورت ءسوندىرۋ ءبولىمىنىڭ قىزمەتكەرلەرى – 8 قىزمەتكەر مەن 2 تەحنيكا، رەسپۋبليكالىق جەدەل-قۇتقارۋ جاساعىنىڭ الماتىداعى جەكە قۇرامى – 8 قۇتقارۋشى مەن ءبىر تەحنيكا جىبەرىلدى»، - دەپ ناقتىلادى توتەنشە جاعدايلار دەپارتامەنتىنىڭ باسپا ءسوز قىزمەتىنەن.
سونداي-اق ىزدەۋ جۇمىسىنا 80-گە جۋىق ادام جۇمىلدىرىلعان.
ونىڭ اراسىندا پوليسيا قىزمەتكەرلەرى، بالانىڭ تۋىستارى، جەرگىلىكتى تۇرعىندار مەن ەرىكتىلەر بار. قازىرگى ۋاقىتتا جۇمىس جالعاسىپ جاتىر.