الماتىدا جاس جىگىت مەشىت جاماعاتىن توناپ جۇرگەن، دەپ حابارلايدى Almaty-akshamy.kz Inform.kz-كە سىلتەمە جاساپ.
بۇل تابىس تىزبەگىن 23 جاستاعى ا. ەسىمدى ازامات ويلاپ تاپقان.
ول مەشىتكە كەلىپ، ۇيىقتاپ جاتقان ادامدى كورىپ، ءۇن-تۇنسىز قالتاسىنان قۇندى دۇنيەنىڭ ءبارىن سۋىرىپ العان.
– مەدەۋ اۋداندىق پب-عا قاراستى پوليسيا ءبولىمىنىڭ كەزەكشى بولىمىنە مەشىت اۋماعىندا ۇيالى تەلەفون ۇرلانعانى تۋرالى ارىز ءتۇستى. كۇدىكتى سول كۇنى ۇستالدى. اتالعان دەرەك بويىنشا ق ر قك-نىڭ 188-بابى 1-بولىگىنە سايكەس قىلمىستىق ءىس قوزعالدى. بەلگىلى بولعانداي، ۇستالعان ازامات بۇعان دەيىن دە وسىعان ۇقساس قىلمىس جاساعانى ءۇشىن سوتتى بولعان، – دەيدى مەدەۋ اۋداندىق پب-عا قاراستى پوليسيا ءبولىمىنىڭ باستىعى ەدىلحان بايعارايەۆ.
پوليسيا قىزمەتكەرلەرى بۇدان دا كوپ ەپيزودتار بولۋى مۇمكىن ەكەنىنە سەنىمدى.
سوندىقتان ءتارتىپ ساقشىلارى وسى ادامنىڭ ارەكەتىنەن زارداپ شەككەندەردىڭ ءبارىن مىنا تەلەفون نومىرىنە حابارلاسۋعا شاقىرادى: 254-48-72.