الماتى وبلىسىندا تولاسسىز جاۋعان جاڭبىر سالدارىنان بەتكەيلەردە اعىن سۋ پايدا بولدى.
الماتى وبلىستىق توتەنشە جاعدايلار دەپارتامەنتىنىڭ مالىمەتىنشە، قارعالى اۋىلىنان جوعارى سول جاق شاتقالدان 2،4 شاقىرىم قاشىقتىقتا «ۇزىنقارعالى» وزەنىنىڭ باسسەينىندە جەرگىلىكتى جەردە نوسەر جاڭبىردىڭ قارقىندى ءتۇسۋى سالدارىنان كولبەۋ اعىن پايدا بولدى، دەپ حابارلايدى اlmaty-akshamy.kz.
«ول جەرگىلىكتى ماڭىزى بار جول ارقىلى ءوتىپ، «ۇزىنقارعالى» وزەنىنە قۇيىلدى. «قارعالى اۋىلى – ۇزىنقارعالى بوگەتى» اۆتوجولىنىڭ ۋچاسكەسىندە بالشىق ماسساسى ءتۇستى، جول توسەمى بۇلىنبەگەن، ءوتۋ جولى بار»، – دەلىنگەن حابارلامادا.
ەڭىس اعىنىنىڭ ناتيجەسىندە ۇزىنقارعالى وزەنىندە شامامەن 2-3 بال دەڭگەيىندە سۋ لايلاندى. اۋىز سۋ جۇيەسىنە لاي سۋدىڭ تۇسۋىنە جول بەرمەۋ ماقساتىندا قارعالى اۋىلىنداعى ابونەنتتەردى ۇزىنقارعالىدان سۋ بەرەتىن اۋىز سۋدان ءىشىنارا اجىراتۋ تۋرالى شەشىم قابىلداندى. اۋىلدىڭ قالعان بولىگى اۋىز سۋدى تەرەڭ ۇڭعىمالار سورعىلارىنان الادى. جولدى تازارتۋ 22 ناۋرىزعا جوسپارلانعان.