الماتىدا «ساۋران» بازارىندا قويما ورتەنىپ جاتىر

تجم قۇتقارۋشىلارى قىزىل جالىنمەن كۇرەسۋدە

2025 جىلعى 16 اقپاندا ساعات 20:11-دە الماتى قالاسى توتەنشە جاعدايلار دەپارتامەنتىنىڭ (تجد) كۇشتەرى مەن قۇرالدارى جوعارى دارەجەدەگى شاقىرتۋ بويىنشا الاتاۋ اۋدانى، رىسقۇلوۆ داڭعىلى، 103/2ا مەكەنجايىنا جەدەل جەتتى. وقيعا ورنىنا 20:17-دە كەلگەندە، قويمانىڭ اشىق جالىنمەن جانىپ جاتقاندىعى انىقتالعان، دەپ حابارلايدى aqshamnews.kz.

ءورت سوندىرۋشىلەر دەرەۋ ءورت وقپاندارىن ەنگىزىپ، اۆتوسيستەرنالاردى ءورت گيدرانتتارىنا قوسىپ، سۋدىڭ ۇزدىكسىز بەرىلۋىن قامتاماسىز ەتتى. وقيعا ورنىندا جەدەل شتاب قۇرىلىپ، ءورتتى ءسوندىرۋ ەكى ۋچاسكەگە ءبولىندى، سونداي-اق ءورت ءسوندىرۋ اۆتوساتىسى ورنالاستىرىلدى.

قابىلدانعان جەدەل شارالاردىڭ ناتيجەسىندە ءورتتىڭ كورشىلەس قويمالارعا تارالۋىنا جول بەرىلمەدى. زارداپ شەككەندەر جوق. ءورتتىڭ شىعۋ سەبەپتەرى انىقتالۋدا.

الماتى ق. ءورت سوندىرۋشىلەرى رىسقۇلوۆ داڭعىلىنداعى بازار اۋماعىندا قويمانىڭ ءورتىن سوندىرۋدە. وقيعا ورنىنا الماتى ق. تجد باستىعى نۇرلان اتىعايەۆتىڭ قاتىسۋىمەن ءورتتى سوندىرۋگە ارنالعان شتاب جۇمىلدىرىلدى. قۇتقارۋشىلار جوعارى دارەجەمەن جۇمىس ىستەۋدە.