الماتى وبلىسىندا ءىرى جول اپاتىنان التى ادام قازا تاپتى، دەپ حابارلايدى Aqshamnews.kz ءتىلشىسى.
الدىن الا مالىمەت بويىنشا، قايعىلى وقيعا الماتى – بىشكەك اۆتوجولىنىڭ 65-شاقىرىمىندا، قاينار اۋىلىنا جاقىن ماڭدا بولعان. پوليسيا دەپارتامەنتىنىڭ حابارلاۋىنشا، 23 جاستاعى Audi كولىگىنىڭ جۇرگىزۋشىسى رولگە يە بولا الماي، قارسى باعىتتا كەلە جاتقان Toyota ماركالى كولىكپەن سوقتىعىسقان.
جول اپاتى سالدارىنان ەكى كولىكتىڭ جۇرگىزۋشىلەرى جانە تاعى ءۇش جولاۋشى العان جاراقاتتارىنان وقيعا ورنىندا كوز جۇمدى. ءبىر جولاۋشى اۋرۋحاناعا جەتكىزىلگەنىمەن، دارىگەرلەر ونىڭ ءومىرىن ساقتاپ قالا المادى. تاعى بەس ادام ءتۇرلى دارەجەدەگى جاراقات الىپ، دارىگەرلەر باقىلاۋىندا جاتىر.
پوليسيا ءقازىر بۇل فاكتى بويىنشا سوتقا دەيىنگى تەرگەۋ باستاعانىن مالىمدەدى. قاجەتتى سوت-مەديسينالىق ساراپتامالار تاعايىندالىپ، الماتى وبلىسىنىڭ پد باسشىلىعى تەرگەۋ بارىسىن ەرەكشە باقىلاۋعا العان.