الماتى وبلىسىندا يت-مىسىقپەن سەرۋەندەۋگە تىيىم سالىناتىن ورىندار بەلگىلەندى

جاڭا قاعيدانى بۇزعان ازاماتتار 10 اەك شاماسىندا ايىپپۇل تولەيدى

الماتى وبلىسىندا ءۇي جانۋارلارىن ۇستاۋ جانە سەرۋەندەتۋ قاعيدالارى بەكىتىلدى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.

جاڭا قاعيدالار وبلىستىق ءماسليحاتتىڭ «الماتى وبلىسىنىڭ ەلدى-مەكەندەرىنىڭ اۋماعىندا ءۇي جانۋارلارىن ۇستاۋ جانە سەرۋەندەتۋ قاعيدالارىن بەكىتۋ تۋرالى» شەشىمىمەن بەكىتىلدى.   

يتتەر ولاردىڭ ءوز بەتىنشە سەرۋەندەۋىنە جانە ادامدار مەن جانۋارلارعا شابۋىل جاساۋىنا جول بەرىلمەيتىن جاعدايلاردا ۇستالادى. قاۋىپسىزدىك ءۇشىن ولار ۇيشىكتە بولۋعا نە بولماسا بايلاۋلى تۇرۋعا ءتيىس.

ءۇي جانۋارلارىن قوعامدىق ورىنداردا، جالپى پايدالانۋ ورىندارىندا جانە  ءۇي ماڭىنداعى اۋماقتاردا (جەكە تۇرعىن ۇيلەردىڭ ماڭىنداعى اۋماقتاردان باسقا) ۇستاۋعا رۇقسات ەتىلمەيدى.

ءۇي جانۋارلارىن سەرۋەندەتۋ ادامداردىڭ جانە جانۋارلاردىڭ قاۋىپسىزدىگى قامتاماسىز ەتىلگەن، ءۇي جانۋارلارىنىڭ ادام مۇلكىنە زيان كەلتىرۋىنەن قورعالعان جاعدايدا جۇزەگە اسىرىلادى.

جانۋارلاردى ۇستاۋ قاعيدالارىن بۇزعانى ءۇشىن پوليسيا قىزمەتى تاراپىنان ون ايلىق ەسەپتىك كورسەتكىش مولشەرىندە ايىپپۇل سالۋ تۇرىندە اكىمشىلىك جاۋاپكەرشىلىك كوزدەلگەن.