سينگاپۋر مەن قازاقستان جاڭا قالا سالادى
مەگاپوليس الماتى-قاپشاعاي تاسجولى بويىندا ورنالاسادى. ول ىسكەرلىك جانە قارجى ورتالىعى، مەديسينالىق، ونەركاسىپتىك جانە لوگيستيكالىق حاب، تۋريزم جانە ويىن-ساۋىق سىندى ءتورت اۋداننان تۇرادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
«G4 City»-گە ارنايى ەكونوميكالىق ايماق مارتەبەسى بەرىلەدى. حالىقارالىق اۋەجاي سالىپ، سينگاپۋرمەن تىكەلەي اۋە قاتىناسىن اشۋ جوسپاردا بار. «G4 City» ورتالىق ازياداعى جاڭا ەكونوميكالىق حابقا اينالىپ، قازاقستان ەكونوميكاسىنا شەتەلدىك ينۆەستيسيالاردىڭ ودان ءارى وسۋىنە ەلەۋلى سەرپىن بەرەدى دەپ جوسپارلانىپ وتىر.
«ءبىز بۇل جوباعا ەرەكشە ءمان بەرىپ وتىرمىز. وسىلايشا مۇندا جۇمىس ىستەۋگە، ءومىر سۇرۋگە قولايلى جاعداي جاساماقپىز. بۇل قالادا 2 ملن ادامعا ارنالعان تۇرعىن ۇيلەر كەشەنىن سالامىز. بارلىعىن جۇمىسپەن قامتيمىز. قازاقستان پرەزيدەنتى قاسىم-جومارت توقايەۆ بۇل جوباعا ۇلكەن قولداۋ كورسەتىپ وتىر»، - دەيدى «Surbana Jurong Group» باس ديرەكتورى ۆونگ حەانگ فاين.