جاڭا باعىت!
شانحايدان قازاقستان اۋماعىمەن گامبۋرگكە تەمىرجول جۇك تاسىمالى اشىلدى. جاڭا باعىت بويىنشا العاشقى تاۋار پويىزى جولعا شىقتى، دەپ حابارلايدى Almaty-akshamy.kz. Qazaqtv.com سايتىنا سىلتەمە جاساپ.
«شانحاي ەكسپرەسى» نەمىس قالاسىنا كيىم-كەشەك، اۆتوبولشەكتەر، كۇن باتارەيالارى، ىدىس-اياق، جيھاز سىندى ءارتۇرلى قاجەتتى زاتتاردى جەتكىزەدى. تاۋارلار 40 فۋتتىق 50 كونتەينەرگە جۇكتەلدى. پويىز گامبۋرگكە ەكى اپتا ىشىندە جەتەدى. ول قازاقستان، رەسەي، بەلارۋس جانە پولشا ارقىلى ترانزيتتەن ءوتۋى ءتيىس.
ال قايتاردا 4ء-شى جۇڭگو حالىقارالىق يمپورتتىق ەكسپو كورمەسىنە قاتىسقان نەمىس كومپانيالارىنا تيەسىلى ونىمدەردى جۇكتەۋ جوسپارلانۋدا.
شانحاي كەدەنىنىڭ اقپاراتى بويىنشا، تاۋارلار مەجەلى جەرگە اپتا سايىن كەلەتىن بولادى.
بولاشاقتا قىتاي-ەۋروپا تەمىرجول جۇك تاسىمالى اياسىندا قوسىمشا باعىتتار اشىلاتىنىن ايتا كەتكەن ءجون.