تاركىلەنگەن زاتتىڭ جالپى سالماعى شامامەن 5 توننا.
بالقاش اۋدانى، اقبايلاۋ اۋىلىنىڭ اۋماعىندا ەسىرتكى وسىمدىكتەرىن زاڭسىز ءوسىرۋ فاكتىسىن انىقتالدى، دەپ حابارلايدى Almaty-akshamy.kz
بۇل دەرەكتى 2023 جىلى 25 تامىزدا الماتى وبلىسى پد ەسىرتكىگە قارسى كۇرەس قىزمەتكەرلەرى وڭىردەگى ۇقك دەپارتامەنتى قىزمەتكەرلەرىمەن بىرلەسىپ انىقتاعان.
"اتالعان دەرەك ق ر قك 300-بابى 4-بولىگى بويىنشا اۋداندىق پوليسيادا تىركەلدى. 1951 جىلعى د. ەسىمدى جوعارىدا اتالعان ۋچاسكەنىڭ يەسى ۇستالدى"، - دەدى الماتى وبلىسى پد باستىعى باۋىرجان الەنوۆ.
كۇدىكتىنىڭ اۋدانى 1 گەكتار جەر ۋچاسكەسىندە قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ فاكتىسى انىقتالدى.
"سونداي-اق ءتىنتۋ بارىسىندا ەكى ءيىر ويىقتى مىلتىق، ءۇش تەگىس ۇڭعىلى مىلتىق، 5، 56 مم وقتارمەن جاراقتالعان وقساۋىت، تەپلوۆيزور، لازەرلىك كوزدەۋ جانە باسقا دا قارۋ-جاراقتىڭ كەرەك-جاراقتارى انىقتالىپ، تاركىلەندى. دەرەك نەگىزىندە ق ر قك 287-بابى بويىنشا جەكە قىلمىستىق ءىس جۇرگىزۋ باستالدى"، - دەدى وبلىستىق پد باستىعى.
بارلىق فاكتىلەر بويىنشا ءتيىستى ساراپتامالاردى تاعايىنداۋمەن تەرگەۋ ءىس-شارالارى جۇرگىزىلۋدە.