شۇعىل تۇردە وتا جاسالدى.
وتانى قاراساي كوپسالالى اۋدانارالىق اۋرۋحاناسىنىڭ حيرۋرگ-دارىگەرلەرى جاسادى، دەپ حابارلايدى Almaty-akshamy.kz وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.
الماتى وبلىسى قاراساي اۋدانى شيزوفرەنيامەن اۋىراتىن 39 جاستاعى تۇرعىنىنىڭ اش ىشەگىنەن ۇزىندىعى 10 سم بولاتىن بارلىعى 19 شەگە الىنعان. ناۋقاس شەگە جۇتىپ قويعان سوڭ، تەك ءتورتىنشى كۇنى عانا دارىگەر كومەگىنە جۇگىنگەن. شۇعىل تۇردە وتا جاسالدى، ءقازىر ونىڭ جاعدايى قالىپتى.
بىلتىر 12 قىركۇيەكتە ناۋقاس ءدال وسىلاي شەگە جۇتىپ قويىپ، تەك ءۇشىنشى كۇن دەگەندە دارىگەرلەرگە قارالعان. ونىڭ ايتۋىنشا، اشۋلانىپ، وسىلايشا سۋيسيد جاساماق بولعان. ول كەزدە دە ۇزىندىعى 10 سم بولاتىن 14 شەگەنى دارىگەرلەر الىپ تاستاعان. وتادان سوڭ ناۋقاس قۇلان-تازا ساۋىعىپ، اۋرۋحانادان شىعارىلعان.