دوپينگ داۋىنا قالعاندار

قازاقستاندىق 10 سپورتشى دوپينگ ءۇشىن سپورتتان شەتتەتىلدى.

بۇل تۋرالى قازاقستاننىڭ ۇلتتىق دوپينگكە قارسى ورتالىعى ءمالىم ەتتى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.

توكيودا 2020 جىلى وتكەن وليمپيادا ويىندارىنىڭ قولا جۇلدەگەرى يگور سوننان مەتاستەرون سىناماسى تابىلدى، سونىڭ سالدارىنان ول 8 جىلعا سپورتتان تىس قالدى. مەتاستەرون ءۇشىن اۋىر اتلەتتەر الەكسەي دروزدوۆ، ابلاي اۋەلحانوۆ، يۋليا پوتاسسوۆا، رۋفينا چالكاروۆا دا 2026 جىلدىڭ 28 ناۋرىزىنا دەيىن جارىستارعا قاتىسا المايدى. سونداي-اق تاعى ءبىر اۋىر اتلەت كارينا جۇنىسبايەۆا كانرەنون سىناماسى ءۇشىن 2024 جىلدىڭ 21 قازانىنا دەيىن سپورتتان شەتتەتىلگەن ەدى. جەڭىل اتلەتتەر الەكساندر ساۆگۋروۆ پەن ەكاتەرينا گريساي وكسالادرون ءۇشىن 2025 جىلدىڭ 26 قازانىنا دەيىن سپورتتان شەتتەتىلدى. ال تاەكۆوندو شەبەرى جاسۇربەك يسرايلوۆتان مەلدونيي سىناماسى تابىلىپ، 2025 جىلدىڭ 18 قاراشاسىنا دەيىن سپورتتان تىس قالدى.

ەستەرىڭىزدە بولسا، قازاقستاندىق اۋىر اتلەتتەر بۇعان دەيىن دە دوپينگ قولدانعانى ءۇشىن وليمپيادا ويىندارىنىڭ مەدالدارىنان ايىرىلىپ قالعان بولاتىن.

ايتا كەتەيىك، توكيو وليمپياداسىندا قازاقستاندىق اۋىر اتلەت، 2020 جىلعى توكيودا وتكەن وليمپيادا ويىندارىنىڭ قولا جۇلدەگەرى يگور سون 61 كەلىگە دەيىنگى سالماق بويىنشا قولا مەدالدى جانە 2019 جىلعى الەم چەمپيوناتىنىڭ كۇمىس جۇلدەسىن ەنشىلەگەن ەدى. 24 جاستاعى يگور سون ءوز كارەراسىندا وسىنداي جاعدايعا ەكىنشى رەت تاپ بولىپ وتىر.