الماتى وبلىسىنىڭ پوليسەيلەرى شامامەن سەگىز مىڭ ءبىر رەتتىك دوزا بولاتىن سينتەتيكالىق ەسىرتكىنى زاڭسىز اينالىمنان الىپ تاستادى.
18 قازان كۇنى جەدەل-ىزدەستىرۋ ءىس-شارالارىن جۇرگىزۋ بارىسىندا الماتى وبلىسى پد ەققىقب قىزمەتكەرلەرى ەڭبەكشىقازاق اۋدانى پب كپب-مەن بىرلەسىپ، بايتەرەك اۋىلىنان 45 جاستاعى ەر ادامدى ۇستادى . ونىڭ ءۇيىن ءتىنتۋ بارىسىندا ىشىندە ۇنتاق ءتارىزدى ەرەكشە ءيىستى زاتى بار 5 پوليەتيلەن پاكەت تابىلىپ، تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ساراپتاما ناتيجەلەرى بويىنشا تاركىلەنگەن زات قاراپايىم ادامدار اراسىندا “جىلدامدىق” دەپ اتالاتىن الفا PVP سينتەتيكالىق ەسىرتكىسى بولىپ شىقتى. ال جالپى سالماعى شامامەن 3 كەلىنى قۇرادى. ايتا كەتۋ كەرەك، ارنايى ءىس-شارا بارىسىندا پوليسياعا بەلگىسىز ەر ادامنىڭ ەسىرتكى زاتتارىن اسا ءىرى مولشەردە ساقتاۋمەن اينالىساتىنى تۋرالى اقپارات كەلىپ تۇسكەن.
«اتالعان دەرەك ق ر قك-نىڭ 296-بابىنىڭ 2-بولىگى بويىنشا ەڭبەكشىقازاق اۋداندىق پوليسياسىندا تىركەلدى. تۇپكىلىكتى پروسەستىك شەشىم قابىلداۋ ءۇشىن ساراپتامالىق تەكسەرۋلەر تاعايىنداۋمەن بارلىق قاجەتتى تەرگەۋ ارەكەتتەرى جۇرگىزىلىپ جاتىر»، – دەدى الماتى وبلىسى پد باستىعى باۋىرجان الەنوۆ.
ق ر قىجك-نىڭ 201-بابى شەڭبەرىندە وزگە اقپارات جاريا ەتۋگە جاتپايدى.