قازاقستان بەنزينى ەڭ ارزان بەس ەلدىڭ قاتارىندا

Energyprom پورتالىنىڭ مالىمەتىنشە، وڭىرلەر بويىنشا شىمكەنت ادەتتەگىدەي ەڭ كوپ بەنزين ءوندىردى: 1،3 ملن توننا، الايدا ءبىر جىلدا 8،2 پايىزعا ازايعان. ۇزدىك ۇشتىككە اتىراۋ (1،2 ملن توننا، 30،4 پايىزعا كوبەيگەن) جانە پاۆلودار (980،4 مىڭ توننا، 0،6 پايىزعا كوبەيگەن) وبلىستارى كىردى، دەپ حابارلايدى Almaty-akshamy.kz.

جالپى، 2022 جىلى ەلىمىزدە بەنزين ءوندىرىسى 5 ملن توننانى قۇراپ، 2021 جىلمەن سالىستىرعاندا 3،1 پايىزعا ارتتى.

قىركۇيەكتە بەنزين باعاسى بىلتىرعىمەن سالىستىرعاندا 13،4 پايىزعا ءوستى. ونىڭ ىشىندە اي-98 - 11،7، اي-92 - 12،8، اي-95/اي-96 16،8 پايىزعا قىمباتتادى. اي-92 ماركالى بەنزيننىڭ ءبىر ءليترىنىڭ ورتاشا باعاسى — 203 تەڭگە، اي-95/اي-96 — 249 تەڭگە، اي-98 — 261 تەڭگە.

وڭىرلەر بويىنشا الماتىداعى بەنزين باعاسى ەڭ كوپ قىمباتتادى: بىلتىرعى قىركۇيەكپەن سالىستىرعاندا 15 پايىزعا. ودان كەيىن الماتى وبلىسى جانە قاراعاندى وبلىسى: تيىسىنشە 14،4 جانە 14،3 پايىز.

بيىل 13 قازانداعى جاعداي بويىنشا، الەمدەگى ەڭ ارزان بەنزين مىسىردا تىركەلدى: ليترىنە اقش 0،32 دوللارى (153،24 تەڭگە). ودان كەيىنگى ورىندا الجير (0،32 دوللار) جانە كۋۆەيت (0،34 دوللار/ 162،81 تەڭگە) تۇر.

قازاقستاندا بەنزين ءليترى 0،46 دوللار/ 220،28 تەڭگەنى قۇراپ، بەسىنشى ورىنعا تۇراقتادى.

تمد ەلدەرى اراسىندا دا ەڭ ارزان بەنزين قازاقستاندا.

رەسەي الەم بويىنشا بەنزين ارزاندىعى جونىنەن جەتىنشى ورىندا تۇر: 0،53 دوللار/253،80 تەڭگە.

ازەربايجاندا ءبىر ليتر بەنزين 0،62 دوللار/ 296،90 تەڭگە، بەلارۋستە — 0،75 دوللار/359،15 تەڭگە، وزبەكستاندا — 0،89 دوللار/426،19 تەڭگە، ارمەنيادا — 1،2 دوللار/574،64 تەڭگە، ۋكراينادا — 1،44 دوللار/689،57 تەڭگە.

ەڭ قىمبات بەنزين گونكونگتا (2،88 اقش دوللارى/1379،14 تەڭگە)، فينليانديادا (2،23 اقش دوللارى/1067،87 تەڭگە) جانە گرەكيادا (2،14 اقش دوللارى/1024،77 تەڭگە) تىركەلگەن.