الماتى وبلىسىندا ەر ادام وزىمەن سوزگە كەلگەن ەرلى-زايىپتىلارعا وق اتتى

34 جاستاعى ەر ادام مەن 31 جاستاعى ايەل جاراقات الدى

الماتى وبلىسىنىڭ پوليسەيلەرى ەرلى-زايىپتىلارعا وق اتقان 24 جاستاعى تالدىقورعاندىقتى ۇستادى، دەپ حابارلايدى Almaty-akshamy.kz Zakon.kz-كە سىلتەمە جاساپ.

الماتى وبلىسى پد مالىمەتىنشە، وقىس وقيعا 8 ماۋسىمدا ەسكەلدى اۋدانىنىڭ قوڭىر اۋىلىندا ورىن العان.

جاس جىگىتتىڭ 34 جاستاعى جەرگىلىكتى تۇرعىنمەن جانە ونىڭ ايەلىمەن سوزگە كەلىپ قالعانى انىقتالدى. ونىڭ ارتى توبەلەسكە ۇلاسىپ، ءبىر كەزدە كۇدىكتى ءوزىنىڭ "Mitsubishi Pajero" كولىگىنەن 12 كاليبرلى اڭشى مىلتىعىن الىپ شىعىپ، ەرلى-زايىپتىلارعا وق اتقان. وقتان جارالانعان ايەل مەن ەر ادام تالدىقورعانداعى اۋرۋحانالاردىڭ بىرىنە جاتقىزىلدى.

«كۇدىكتى كولىگىمەن جوعارى جىلدامدىقپەن جۇيىتكىپ، اۋىل كوشەسىنىڭ شاڭىن شىعارعان. بۇل جەرگىلىكتى تۇرعىنداردىڭ نارازىلىعىن تۋدىردى. وزىنە جاسالعان ەسكەرتۋدەن كەيىن ول ءوزىن اگرەسسيۆتى ۇستاپ، توبەلەستى ۋشىقتىرىپ، اقىرىندا اتىس قارۋىن قولداندى. سالدارىنان 34 جاستاعى ەر ادام مەن 31 جاستاعى ايەل جاراقات الدى. ەكەۋى دە اۋرۋحاناعا جەتكىزىلدى. قىلمىستىق تەرگەۋ ق ر قىلمىستىق كودەكسىنىڭ 99-بابى 24-بابىمەن قوسا، ياعني "ادام ولتىرۋگە وقتالۋ" بويىنشا قولعا الىندى»، - دەپ حابارلادى ەسكەلدى اۋداندىق پوليسياسى.

قاماۋعا الىنعان كۇدىكتى بۇرىن ءۇش رەت سوتتى بولعانى انىقتالدى. قاجەتتى ساراپتامالار تاعايىندالدى.
اڭشىلىق مىلتىق تاركىلەنىپ، زاتتاي دالەل رەتىندە قىلمىستىق ءىس ماتەريالدارىنا قوسىلدى.