ەلەكتروندى تاۋارلار كاتالوگىندا 308 مىڭنان استام تاۋار ءتۇرى بار
ەندى مەملەكەتتىك ساتىپ الۋعا تاپسىرىس بەرۋشىلەر ەلدە جوق تالاپتى قويا المايدى. 1 شىلدەدەن باستاپ تاۋارلاردىڭ ەلەكتروندىق كاتالوگى ەنگىزىلەدى. تەندەرگە قاتىسۋشى كاسىپكەرلەر سوندا ءوز تاۋارىن تىركەۋى كەرەك، دەپ حابارلايدى «حابار 24».
ءتيىستى جوبا بارماق باستى كوز قىستى ارەكەتتەرگە توسقاۋىل قويۋ ءۇشىن قولعا الىندى. ازىرگە بۇل تىزىمگە كەڭسە زاتتارى، تۇرمىستىق تاۋارلار، دارى-دارمەك جانە مەديسينالىق ماقساتتاعى بۇيىمدار، ەلەكتر تاۋارلارى كىرگەن. الداعى ۋاقىتتا ماماندار ءتىزىمدى كەڭەيتۋدى جوسپارلاپ وتىر.
«ەلەكتروندىق قارجى ورتالىعى» باسقارما ءتوراعاسى نۇرلىبەك راحمەتوۆتىڭ ايتۋىنشا، بۇل جوبا ءادىل باسەكەلەستىككە ىقپال ەتەدى. مەملەكەتتىك ساتىپ الۋدى نەعۇرلىم اشىق جۇرگىزۋگە مۇمكىندىك بەرەدى.
«ءقازىر ەلەكتروندى تاۋارلار كاتالوگىندا 308 مىڭنان استام تاۋار ءتۇرى بار. 700 قولدانۋشى تىركەلگەن. ەڭ باستى ەسكەرەتىن جايت، قولدانۋشىلار ءۇشىن جۇيە تەگىن. ءبىرىنشى كەزەكتە 1 شىلدەگە دەيىن شارۋاشىلىق تاۋارلار مەن كەڭسە زاتتارىن جانە مەديسينالىق بۇيىمدار مەن دارى-دارمەك تۇرلەرىن شىعاراتىندار تىركەلۋى قاجەت. ولارعا KZTIN كودى بەرىلەدى. تۇرمىستىق ەلەكتر قۇرالدارى مەن كومپيۋتەر وندىرۋشىلەر دە قالىس قالماۋى قاجەت. بولاشاقتا تاۋار تۇرلەرىن 1ملن دەيىن جەتكىزۋ جوسپارلانۋدا»،-دەيدى نۇرلىبەك راحمەتوۆ.