الماتى وبلىسىندا ەنەرگەتيكالىق سۋسىن ىشكەن ادام جانساقتاۋ بولىمىنە ءتۇستى

ول سوڭعى ءتورت جىلدا كۇن سايىن ەنەرگەتيكالىق سۋسىندار ىشكەن

الماتى كوپسالالى كلينيكالىق اۋرۋحاناسىنا كەلىپ، كەۋدەسى اۋىراتىنىن ايتقان ناۋقاس شۇعىل تۇردە جانساقتاۋ بولىمىنە جاتقىزىلدى، دەپ حابارلايدى Almaty-akshamy.kz وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.

ناۋقاستىڭ تۋىستارىنىڭ ايتۋىنشا، ول سوڭعى ءتورت جىلدا كۇن سايىن ەنەرگەتيكالىق سۋسىندار ىشكەن.

«تولىق تەكسەرۋدەن كەيىن دارىگەرلەر ناۋقاسقا سوزىلمالى جۇرەك جەتكىلىكسىزدىگى دياگنوزىن قويدى. ناۋقاستىڭ جۇرەك سوعۋ فۋنكسياسى بۇزىلىپ، ورگاندار مەن تىندەرگە وتتەگى جەتىسپەگەن. ءقازىر ناۋقاستىڭ جاعدايى وتە اۋىر. ول رەانيماسيا بولىمىندە جاساندى تىنىس الدىرۋ اپپاراتىندا جاتىر»، - دەيدى دەنساۋلىق ساقتاۋ باسقارماسىنىڭ باسپا ءسوز قىزمەتى.

دارىگەرلەردىڭ ايتۋىنشا، ەنەرگەتيكالىق سۋسىنداردىڭ قۇرامىندا كوفەيننىڭ ينسۋلت دوزالارى بار، بۇل جۇرەكتىڭ اۋىر پروبلەمالارىنا اكەلۋى مۇمكىن. ال ونىڭ كومىرقىشقىل گازىمەن (كوپىرشىكتەرمەن) جانە قانتپەن ارالاسۋى اسقازان مەن باۋىر ءۇشىن ءقاۋىپتى. ءتىپتى ەنەرگەتيكالىق سۋسىندا سيرەك تۇتىنسا دا اريتميا شابۋىلىن جانە باسقا دا جاعىمسىز سالداردى تۋدىرۋى مۇمكىن دەيدى دارىگەرلەر.