بۇل - تۇلەكتەردىڭ سىيعا تارتقان ەكىنشى ءۇيى
تۇركىستان وبلىسى ورداباسى اۋدانىنداعى تورتكۇل اۋىلىندا تۇراتىن 1985-1986 جىلعى تۋعان تۇلەكتەر مەكتەپ بىتىرگەندەرىنە 20 جىل تولۋىنا وراي 4 بالاسى بار جالعىزباستى اناعا ءۇي سالىپ بەردى، دەپ حابارلايدى Almaty-akshamy.kz otyrar.kz-كە سىلتەمە جاساپ.
تورتكۇلدىكتەردىڭ ايتۋىنشا، ءۇيدىڭ قۇرىلىسى ەكى اي كولەمىندە جۇرگىزىلگەن.
باسپانانىڭ قۇرىلىسى ناۋرىز ايىندا باستالىپ، ءقازىر جالعىزباستى انا بالالارىمەن ۇيگە كىردى. بۇل تۇلەكتەردىڭ سىيعا تارتقان ەكىنشى ءۇيى ەكەن.
ولار وسى ۋاقىتقا دەيىن اۋىل بولىپ قارجى جيناپ، ءبىر وتباسىعا ءۇي ساتىپ الىپ بەرگەن.
ورداباسى اۋدانىندا 10 اۋىل وكرۋگى، 57 ەلدىمەكەن بار. اۋدان حالقىنىڭ سانى – 128 049 ادام.