الماتى وبلىسىنىڭ پروكۋراتۋراسى التى اي ىشىندە جالپى اۋدانى 12،5 مىڭ گەكتار بولاتىن 155 پايدالانىلماعان ۋچاسكەنى مەملەكەتتىك مەنشىككە قايتاردى. بۇل ۋچاسكەلەردىڭ جالپى قۇنى 2،5 ميلليارد تەڭگەگە باعالانىپ وتىر، دەپ حابارلايدى اlmaty-akshamy.kz.
مىسال رەتىندە، 2020 جىلى كانيەۆتە سۋ ەلەكتر ستانسياسىن سالۋ ءۇشىن كاسىپورىنداردىڭ بىرىنە 500 گەكتار جەر بەرىلگەن بولاتىن. الايدا، گەس ءالى كۇنگە دەيىن سالىنعان جوق.
سونىمەن قاتار، ىلە اۋدانىندا "Solid Cristal" جشس-نە تيەسىلى قۇنى 339 ميلليون تەڭگە بولاتىن ۋچاسكە دە التى جىل بويى پايدالانىلماعان. بۇل كومپانيا الماتى وبلىسىنىڭ ەكس-اكىمىنىڭ قىزى ساەرا باتالوۆاعا تيەسىلى.
الماتى وبلىسىنىڭ پروكۋراتۋراسى جەر رەسۋرستارىن ءتيىمدى پايدالانۋ ماقساتىندا وسىنداي شارالاردى قولدانۋدى جالعاستىراتىنىن مالىمدەدى.