كۇدىكتىلەردىڭ وسىعان ۇقساس قىلمىستارعا قاتىستىلىعى تەكسەرىلىپ جاتىر
پوليسەيلەر ق ر ۇقك قىزمەتكەرلەرىمەن بىرلەسىپ جەدەل-ىزدەستىرۋ ءىس-شارالارىن جۇرگىزۋ بارىسىندا جانۋاردىڭ ءمۇيىزىن زاڭسىز الىپ بارا جاتقان ءبىر توپ ادامدى ۇستادى، دەپ حابارلايدى Almaty-akshamy.kz.
ۇستالعاندار قىزىلوردا وبلىسىنىڭ تۇرعىندارى بولىپ شىقتى.
«ۇستالعانداردىڭ ءبىرى تىزگىندەگەن Toyota ماركالى كولىگىنىڭ سالونىنان قىزىل كىتاپقا ەنگەن جانۋاردىڭ ءمۇيىزى تولى 13 قاپ تابىلىپ، تاركىلەندى. اتالعان فاكتىگە سايكەس، ق ر قىلمىستىق كودەكستىڭ 339-بابىنىڭ 1-1-بولىگى بويىنشا تەرگەۋ باستالدى»، - دەدى الماتى وبلىسى پد باستىعىنىڭ ورىنباسارى ەلدار ابدىكەنوۆ.
قازىرگى ۋاقىتتا كۇدىكتىلەردىڭ وسىعان ۇقساس قىلمىستارعا قاتىستىلىعى تەكسەرىلىپ جاتىر.
تەرگەۋ امالدارى قولعا الىندى.