الماتى وبلىسىندا بيىل جاڭا جەل ەلەكتر ستانسياسى ىسكە قوسىلادى

جوبانىڭ جالپى قۇنى - 37،4 ملرد تەڭگە.

«سامۇرىق-ەنەرگو» اق باسپا ءسوز قىزمەتىنىڭ مالىمەتى بويىنشا، ستانسيا جىلىنا 225،7 ملن. كۆتس ەلەكتر ەنەرگياسىن وندىرەتىن بولادى، دەپ حابارلايدى Almaty-akshamy.kz

الماتى قالاسىنان 140 شاقىرىم جەردە سالىنىپ جاتقان قۋاتى 60 مۆت جاڭا جەل ەلەكتر ستانسياسى (جەس) وسى جىلدىڭ تامىز ايىنىڭ باسىندا پايدالانۋعا بەرىلەدى.

«جەس سالۋ جانە ىسكە قوسۋ پارنيكتىك گازدار شىعارىندىلارىن 206 مىڭ تونناعا دەيىن ازايتۋعا مۇمكىندىك بەرەدى، سونداي-اق جىلىنا شامامەن 89 مىڭ توننا ءداستۇرلى وتىننىڭ ورنىن باسادى»، - دەيدى كومپانيا.

ەنەرگەتيكالىق نىسان الماتى وبلىسىنىڭ ەڭبەكشىقازاق اۋدانىندا شەلەكتە سالىنىپ جاتىر. مۇندا جەلدىڭ ورتاشا جىلدىق جىلدامدىعى 50 مەتر بيىكتىكتە سەكۋندىنا 7،8 مەتر ەكەن، ال اعىننىڭ تىعىزدىعى - 310 ۆت/م2. بولاشاقتا جەس قۋاتىن 300 مۆت-قا دەيىن ارتتىرۋ جوسپارلانۋدا. جوبانىڭ جالپى قۇنى 37،4 ملرد تەڭگە. جوبانى «سامۇرىق-ەنەرگو» اق قازاقستاندىق ەلەكتر ەنەرگەتيكالىق حولدينگى Power China جۇڭگو كورپوراسياسىمەن سەرىكتەستىكتە ىسكە اسىرۋدا.

الماتى قالاسى مەن وبلىسىندا جۇمىس ىستەپ تۇرعان الماتى جەو، قاپشاعاي جانە الماتىدا كاسكاد گەس، جامبىل گرەس، سونداي-اق ەسىك، مويناق، قاتارال، تالدىقورعان گەس-تەرىنە قاراماستان، بۇل وڭىردە ەنەرگيا تاپشىلىعى بار.

ويتكەنى ەلىمىزدىڭ ەڭ ءىرى مەگاپوليسى ورنالاسقان وبلىستاعى ءوندىرۋشى كۇشتەر مۇنداعى ەلەكتر قۋاتىنا دەگەن سۇرانىستىڭ تەك 50% وتەيدى. تاپشىلىق سىرتقى ەنەرگيا وندىرۋشىلەر (رەسپۋبليكانىڭ سولتۇستىك وبلىستارىنان، جامبىل گرەس جانە قىرعىزستاننان) ەسەبىنەن جابىلادى.