ءۇيدىڭ مۇرجاسى بىتەلىپ قالعان.
4 قاڭتاردا الماتى وبلىسى، كەگەن اۋدانى، كەگەن اۋىلىندا كوپ قاباتتى تۇرعىن ۇيدە 4 ادام پەشتەن شىققان تۇتىنگە ۋلانىپ قالدى، دەپ حابارلايدى Almaty-akshamy.kz ق ر توتەنشە جاعدايلار مينيسترلىگى باسپا ءسوز قىزمەتىنە سىلتەمە جاساپ.
توتەنشەلىكتەردىڭ مالىمەتىنشە، مۇرجا بىتەلىپ قالعاندىقتان، ءتۇتىن شىعىپ، ايەل ادام مەن ءۇش بالا سول تۇتىنگە ۋلانعان.
«1997 جىلى تۋعان ايەل مەن 2019، 2020 جانە 2022 جىلى تۋعان ءۇش بالا اۋرۋحاناعا جاتقىزىلدى. جاعدايلارى ورتاشا اۋىرلىقتا»، - دەلىنگەن تجم باسپا ءسوز قىزمەتى تاراتقان اقپاراتتا.
توتەنشەلىكتەر ۋلانۋدىڭ جانە ادام ءولىمىنىڭ الدىن الۋ ماقساتىندا تۇرعىندارعا ءۇيدىڭ، پاتەردىڭ ورتكە قارسى جاي-كۇيىن تەكسەرۋگە، پەش جانە ەلەكتر سىمدارى مەن ەلەكتر اسپاپتارىنىڭ جارامدىلىعىنا ەرەكشە نازار اۋدارۋعا شاقىردى. ەگەر قانداي دا ءبىر كەمشىلىكتەر تابىلسا، ولاردى دەرەۋ جويۋ كەرەك.