الماتى وبلىسى پوليسيا دەپارتامەنتىنىڭ بۇرىنعى باسشىسى، گەنەرال-مايور سەرىك كۇدەبايەۆ سوتقا تارتىلدى، دەپ حابارلايدى Almaty-akshamy.kz. بۇل اقپاراتتى جەتىسۋ وبلىستىق سوتىنىڭ باسپا ءسوز قىزمەتى راستادى.
«قازىرگى تاڭدا سوت س.كۇدەبايەۆتىڭ ءىسىن قاراپ جاتىر. پروسەسس تالدىقورعان قالالىق سوتىندا ءوتىپ جاتىر»، - دەدى جەتىسۋ وبلىستىق سوتىنىڭ باسپا ءسوز قىزمەتىنىڭ جەتەكشىسى نۇرسۇلتان ورىنباساروۆ.
ونىڭ ايتۋىنشا، باستاپقىدا سوت جابىق ەسىك جاعدايىندا ءوتۋى ءتيىس بولعان، كەيىن «اشىلدى».
ەسكە سالايىق، سەرىك كۇدەبايەۆ الماتى پوليسيا دەپارتامەنتىن 7 جىل باسقارعان. 2020 جىلى الماتى وبلىسى پوليسياسىنىڭ باسشىسى بولىپ تاعايىندالدى. قاڭتارداعى تارتىپسىزدىكتەردەن كەيىن ول قىزمەتىنەن بوساتىلدى.
بۇگىن ماجىلىستە قاڭتار وقيعاسى تۋرالى جاڭا دەرەكتى فيلم كورسەتىلدى. كادرلاردا سول كەزدە الماتى وبلىسىنىڭ پوليسيا باسشىسى قىزمەتىن اتقارعان سەرىك كۇدەبايەۆتىڭ ءوزى كۇزەتۋى ءتيىس دەپارتامەنت عيماراتىنان قارۋلى كۇزەتشىلەرمەن قالاي شىعىپ كەتكەنى كورسەتىلگەن.
«قاڭتار وقيعاسى كەزىندە ءبىرقاتار وبلىستاردا ۇقك جەرگىلىكتى بولىمشەلەرى مەن ىشكى ىستەر دەپارتامەنتتەرىنىڭ باسشىلارى قاراماعىنداعىلارعا جۇمىس ورىندارىنان كەتۋگە بۇيرىق بەردى. مىسالى، مىنا كادرلاردان الماتى قالاسى ءىىد بۇرىنعى باستىعىنىڭ قالاي ارەكەت ەتكەنىن كورۋگە بولادى. سول كەزدە كومەندانت بولعان سەرىك كۇدەبايەۆ پوليسيا عيماراتىنان شىعىپ كەتەدى»، - دەلىنگەن ۆيدەونىڭ سيپاتتاماسىندا.
مامىر ايىندا باس پروكۋراتۋرا الماتى وبلىسى پوليسيا دەپارتامەنتىنىڭ بۇرىنعى باسشىسى سەرىك كۇدەبايەۆتىڭ قاڭتار وقيعاسىنا قاتىسى بارىن حابارلادى. سوتقا دەيىنگى تەرگەپ-تەكسەرۋ قىلمىستىق كودەكستىڭ 370-بابىنىڭ 4-بولىگىنىڭ 1-تارماعى «اۋىر زارداپتارعا اكەپ سوققان قىزمەتتەگى ارەكەتسىزدىك» بويىنشا جۇرگىزىلدى.