كوحلەارلىق يمپلانتاسيا ەلىمىزدىڭ بىرنەشە كلينيكالارىندا عانا جۇزەگە اسىرىلادى
الماتى وبلىسىندا العاشقى رەت قۇلاعى ەستىمەيتىن ناۋقاسقا وتا جاسالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى كوپسالالى كلينيكالىق اۋرۋحاناسىندا كوحلەارلىق يمپلانتاسيا بويىنشا جوعارى تەحنولوگيالىق وتا جاسالدى. مۇنداي حيرۋرگيالىق وتالار ەكى قۇلاعى دا ساڭىراۋ نەمەسە 4-دارەجەلى ەستۋ قابىلەتىن جوعالتقان ادامدارعا جاسالادى.
«كوحلەارلىق يمپلانتاسيا» ءادىسى بويىنشا ەستۋ جۇيكەسىنىڭ تالشىقتارىن تىكەلەي ەلەكترلىك ىنتالاندىرۋ ارقىلى ىشكى قۇلاققا ەلەكترودتىق جۇيەلەردى ەنگىزەدى.
كوحلەارلىق يمپلانتاسيا ەلىمىزدىڭ بىرنەشە كلينيكالارىندا عانا جۇزەگە اسىرىلادى. بۇگىنگى كۇنى، الماتى كوپسالالى كلينيكالىق اۋرۋحاناسىنىڭ دارىگەرلەرى مەديسينا عىلىمدارىنىڭ دوكتورى، پروفەسسور، «وتورينولارينگولوگيا ۇلتتىق مەديسينالىق زەرتتەۋ ورتالىعى» فمبۋ ديرەكتورىنىڭ حالىقارالىق قىزمەت جونىندەگى ورىنباسارى دياب حاسساننىڭ قاتىسۋىمەن وتا جاساپ، تاجىريبەمەن الماستى.
«ماستەر-كلاسس اياسىندا 8 وتا جاسالدى. ولاردىڭ اراسىندا كوحلەارلىق يمپلانتاسيا، ەندوليمفا قاپشىعىن درەناجداۋ، تيمپانوپلاستيكا جانە وسسيكۋلوپلاستيكامەن سانيتارلىق وپەراسيالار بولدى. بۇل ەرەسەك ادامدار بولعاندىقتان، كوپشىلىگىندە قوسالقى اۋرۋلار بار، سوندىقتان دارىگەرلەر الدىمەن تولىق دياگنوستيكادان وتكەن ناۋقاستارعا جوسپارلى تۇردە وتا جاساۋدى ءجون كوردى. ەندى كەزەكتە، وبلىس تۇرعىندارى كوپسالالى اۋرۋحانا قابىرعاسىندا ەستۋ قابىلەتىن قالپىنا كەلتىرۋگە تولىق مۇمكىندىكتەرى بار»، - دەدى پروفەسسور دياب حاسسان.
«الماتى وبلىسى بويىنشا ديسپانسەرلىك ەسەپتە قۇلاق اۋرۋلارى بار، ونىڭ ىشىندە ەستۋ قابىلەتىنەن ايىرىلعان 1000-نان استام ناۋقاس تىركەۋدە تۇر. وتورينولارينگولوگيالىق كومەك كورسەتۋدى ارتتىرۋ قاجەتتىلىگىن ەسكەرە وتىرىپ، ءبىز الماتى وبلىسىندا العاش رەت كوحلەارلىق يمپلانتاسيا بويىنشا وتا جاسادىق. بۇرىن ءبىزدىڭ ناۋقاستاردا مۇنداي مۇمكىندىك بولماعان ەدى، وبلىس تۇرعىندارى ۇلكەن قالالارداعى كلينيكالارعا بارۋعا ءماجبۇر بولعان.»كوحلەارلىق يمپلانتاسيا ناۋقاستىڭ ەستۋ قابىلەتىن 100% قالپىنا كەلتىرۋگە مۇمكىندىك بەرەدى. ءبىراق بۇل دىبىس الەمىنە قايتۋدىڭ تەك العاشقى قادامى، سودان كەيىن ەستۋ-سويلەۋدى قالپىنا كەلتىرۋ كەرەك. ءبىزدىڭ ماقساتىمىز-الماتى وبلىسىنىڭ تۇرعىندارىمەن قاتار وزگە دە ايماق تۇرعىندارىنىڭ ەستۋ قابىلەتىن قالپىنا كەلتىرۋگە كومەكتەسۋ»، - دەيدى بولىمشەسىنىڭ مەڭگەرۋشىسى اسەل اسقار قىزى.