الماتى قالاسىنىڭ №7 قالالىق كلينيكالىق اۋرۋحاناسىنىڭ پروكتولوگتارى مەن ۋرولوگتارىنان قۇرالعان كوپبەيىندى بريگاداسى تىك ىشەكتىڭ تۋا بىتكەن اقاۋى – وتە سيرەك كەزدەسەتىن پاتولوگياسى بار 33 جاستاعى ناۋقاسقا بىرنەشە حيرۋرگيالىق وپەراسيا جاساپ، ءبارى ساتىمەن وتكەن. بۇل كەڭ اۋقىمداعى بىرەگەي جانە قيىن وپەراسيا دەپ حابارلادى اۋرۋحانانىڭ باسپا ءسوز قىزمەتى.
پاسيەنتتىڭ ارتقى ءوتىستىڭ تۋا بىتكەن بىتەۋلىگىنە (تىك ىشەك)، 3-دارەجەلى ارتقى ءوتىس سفينكتەردىڭ جەتكىلىكسىزدىگىنە بايلانىستى مۇگەدەكتىگى بار. بالا كەزىندە ەكى رەت پروكتوپلاستيكا جاسالعان. انالدى سفينكتەردىڭ بولماۋىنا بايلانىستى دارىگەرلەر ءىشتىڭ الدىڭعى قابىرعاسىنا سيكلدىك سيگموستوما شىعاردى. كەيىننەن ىشەكتە جىلانكوز پايدا بولدى، ول الىنىپ تاستالدى، ءبىراق ول قايتالاپ شىعادى.
ناۋقاستىڭ ايتۋىنشا، كەيىنگى جىلدارى ونىڭ جاعدايى قاتتى ناشارلاعان، اۋرۋدىڭ اسقىنۋى سالدارىنان ءزار توقتاماۋ، ىشەكتىڭ قۇرامى، شىرىشتىڭ ۇنەمى ءبولىنۋى، قۋىقتىڭ اۋىرسىنۋى پايدا بولعان. ناۋقاس ءزاردى تىك ىشەك ارقىلى جانە ءىشىنارا قۋىق ارقىلى شىعارادى. تۇرعىلىقتى مەكەنجايى بويىنشا پروكتولوگ پەن ۋرولوگتىڭ «د» ەسەبىندە تۇرادى. ناۋقاسىنا بايلانىستى ول ۇيلەنۋ، وتباسىن قۇرۋ تۋرالى ارمانداي دا المادى. تالاي كلينيكالارعا مەديسينالىق كومەككە جۇگىنگەن، ەشقانداي ناقتى كومەك بولماعان. ءسويتىپ №7 قكا-سىنىڭ ماماندارىنا كەلگەن.
«وپەراسيا الدىنداعى دايىندىقتان كەيىن ءبىز ۋرولوگ-ارىپتەستەرىمىزبەن جانە انەستەزيولوگتارمەن بىرگە پاسيەنتتى وپەراسياعا قابىلدادىق. ۋرەتروپلاستيكا. قايتا قاراۋ. پاراللەلدى تۇردە تومەنگى امپۋليارلى قۇرىلىمنىڭ كوميسسۋراسىن بولشەكتەۋ. تاس شىعارۋ. تىك ىشەك اقاۋىن جوندەۋ. تىك ىشەكتىڭ پرولاپستى شىرىشتى قابىعىنان ارتىق شىرىشتى شەڭبەر تۇرىندە كەسىپ، سفينكتەروپلاستيكا جاسادىق. بۇل كەزدە ۋرەترالدى جىلانكوزدى جەرگىلىكتى سىلۋ، ادگەزيالىق پروسەستىڭ ديسسەكسياسى جاسالدى جانە تىك ىشەكتەن «تاس» الىندى. ورىن العان تەحنيكالىق قيىندىقتارعا قاراماستان، شامامەن 5 ساعاتقا سوزىلعان وپەراسيا ءساتتى ءوتتى. ناۋقاس وڭالتۋ كەزەڭىندە. بولاشاقتا جامباس قاباتىنىڭ، انالدى سفينكتەردىڭ بۇلشىق ەتتەرىن نىعايتۋمەن اينالىسۋ كەرەك»، – دەدى №7 قكا كولوپروكتولوگيا ءبولىمىنىڭ مەڭگەرۋشىسى مارات قالەنبايەۆ.