جوعارى سوت كەڭەسىنىڭ مۇشەسى نۇريا سيسەنوۆا 2024 جىلعى 26 جەلتوقساندا وكق-دا وتكەن باسپا ءسوز ءماسليحاتىندا بيىل سۋديالارعا قولدانىلعان تارتىپتىك شارالار تۋرالى ايتىپ بەردى.
نۇريا سيسەنوۆا اتاپ وتكەندەي، التى سۋديا ىستەردى قاراۋ كەزىندە زاڭدىلىقتى ورەسكەل بۇزعانى جانە سۋديالىق ادەپ كودەكسىن ساقتاماعانى ءۇشىن ءوز لاۋازىمدارىنان ايىرىلدى، دەپ حابارلايدى aqshamnews.kz.
"بيىلعى جىلى التى سۋديا جۇيەدەن كەتتى. ناقتىراق ايتساق، زاڭدىلىقتىڭ ورەسكەل بۇزىلۋىنا بايلانىستى ءۇش ادام جانە تاعى ءۇش ادام سۋديالىق ەتيكا كودەكسىن ساقتاماعانى ءۇشىن بوساتىلدى"، – دەدى سپيكەر.
ول 2024 جىلدىڭ 1 قازانىنان باستاپ سۋديالاردى تارتىپتىك جاۋاپكەرشىلىككە تارتۋدىڭ جاڭا تەتىگى ەنگىزىلگەنىن ەسكە سالدى. ەندى زاڭ وكىلدەرىن ورەسكەل بۇزۋشىلىقتىڭ ءاربىر فاكتىسى ءۇشىن جاۋاپقا تارتادى. وسىعان بايلانىستى سوت ءجيۋريىنىڭ قۇرامى 9-دان 15 ادامعا دەيىن ۇلعايتىلدى.
بيىلعى جىلى ءار ءتۇرلى سەبەپتەرمەن سوت جۇيەسىنەن شامامەن 100-120 سۋديا شىقتى. بىرەۋ دەنساۋلىعىنا بايلانىستى، بىرەۋ ءوز ەركىمەن، كەيبىرەۋلەرى زەينەتكەرلىك جاسقا جەتتى نەمەسە قۇرمەتتى وتستاۆكاعا كەتتى. قازاقستاندا بارلىعى 2700 سۋديا جۇمىس ىستەيدى. قازىرگى ۋاقىتتا بۇل لاۋازىمدا 300-گە جۋىق بوس جۇمىس ورنى بار.