ادام ولتىرۋگە وقتالعان شەتەلدىك ۇستالدى
2 جەلتوقساندا ساعات 10 شاماسىندا جامبىل اپب كەزەكشى بولىمىنە قانشەڭگەلدى اۋىلىنان 70 شاقىرىم جەردە ورنالاسقان جايىلىمنان كەۋدەسىنەن وقپەن جارالانعان ۇزىناعاش اۋىلىنىڭ 42 جاستاعى تۇرعىنى اۋرۋحاناعا جەتكىزىلگەنى تۋرالى حابارلاما كەلىپ تۇسكەن، دەپ حابارلادى Almaty-akhsamy.kz Polisia.kz-كە سىلتەمە جاساپ.
اتالعان فاكت ق ر قك 24-بابى 3-بولىگى؛ 99-بولىگى 1-بولىگى (كىسى ولتىرۋگە وقتالۋ) بويىنشا سدتبت-دە تىركەلدى. وقيعا ورنىنا شىققان جەدەل-تەرگەۋ توبى اقپاراتتى راستادى. باستاپقى تەرگەۋ ارەكەتتەرىن جۇرگىزۋ كەزىندە پوليسيا قىزمەتكەرلەرى شامامەن ءبىر اي بۇرىن جۇمىسقا كەلگەن وزبەكستان رەسپۋبليكاسىنىڭ 31 جاستاعى ازاماتىن انىقتاپ، ۇستادى. كۇدىكتىدەن ونىڭ جۇمىس بەرۋشىسىنە تيەسىلى 16 كاليبرلى ەكى ۇڭعىلى اڭشىلىق مىلتىق تاركىلەندى. ۇستالعان ازامات كىناسىن مويىندادى.
«ءىس ماتەريالدارى بويىنشا، شوپاندار اراسىندا اۋماقتىق شاعىمدارعا بايلانىستى جانجال ورىن العان. قاجەتتى ساراپتامالار تاعايىندالدى. تەرگەۋ سۋدياسى كۇدىكتىگە ەكى ايلىق قاماۋدا ۇستاۋ تۇرىندە بۇلتارتپاۋ شاراسىن سانكسيالادى. ق ر قىجك 201-بابىنا سايكەس وزگە اقپارات جاريا ەتىلمەيدى»، – دەپ حابارلادى جامبىل وبلىستىق پب باستىعىنىڭ ورىنباسارى ايدىن جەكسەنبايەۆ.