پتر تەستىنىڭ قۇنى ارزاندادى

ۇلتتىق ساراپتاما ورتالىعى باعانى تومەندەتتى.

باسەكەلەستىكتى قورعاۋ جانە دامىتۋ اگەنتتىگىنىڭ باسپا ءسوز قىزمەتىنىڭ مالىمەتىنشە، COVID-19-دى انىقتايتىن پتر تەستىلەۋ قۇنى 4،9 مىڭ تەڭگەگە دەيىن تومەندەتىلدى، دەپ حابارلايدى Almaty-akshamy.kz

ۇلتتىق ساراپتاما ورتالىعى COVID-19-عا پتر تەستىلەۋ قىزمەتىنىڭ قۇنىن 6،4-تەن 4،9 مىڭ تەڭگەگە دەيىن تومەندەتتى. ۇلتتىق ساراپتاما ورتالىعى 17 وڭىردە قىزمەت كورسەتەدى.

پتر تەست قۇنى الماتى قالاسىندا (Innova زەرتحاناسى) 6 مىڭ تەڭگەگە دەيىن، اتىراۋ وبلىسىندا (Interteach، ۆەستەرن، دوستار مەد پرەستيج) 7 مىڭنان 5 مىڭ تەڭگەگە دەيىن تومەندەتىلدى.

باسەكەلەستىكتى قورعاۋ جانە دامىتۋ اگەنتتىگىنىڭ تۇركىستان وبلىسى بويىنشا دەپارتامەنتى مەن تۇركىستان قالالىق اۋرۋحاناسىندا جاسالعان مونوپولياعا قارسى كومپلاەنس اياسىندا اتالعان مەديسينالىق مەكەمە پتر تەست باعاسىن 7 مىڭنان 4،9 مىڭ تەڭگەگە دەيىن تومەندەتتى.

سونىمەن قاتار، رەسپۋبليكا بويىنشا فيليالدارى بار ءىرى جەلىلىك زەرتحانالاردا COVID-19 پتر-تەستىلەرىنىڭ باعاسى بۇرىنعى كۇيىندە قالىپ وتىر، ورتاشا العاندا 7،4 مىڭ تەڭگە كولەمىندە.

بۇرىن كدل «وليمپ» ج ش س مەن «ينۆيۆو» جشس-مەن قوسقاندا 36 نارىق سۋبەكتىسى 2020 جىلدىڭ قازانىندا باعانى 12 مىڭنان 9 مىڭ تەڭگەگە دەيىن، ال كەيىن 2021 جىلدىڭ اقپانىندا 7 مىڭ تەڭگەگە دەيىن تومەندەتتى. 2022 جىلدىڭ ءبىرىنشى توقسانىندا اگەنتتىك باسەكەلەستىك دەڭگەيىن انىقتاۋ، دومينانتتاردى انىقتاۋ جانە قىزمەتتەردىڭ باعاسىن زەرتتەۋ ماقساتىندا COVID-19-دى انىقتايتىن پتر تەستىلەۋ نارىعىنداعى باسەكەلەستىكتىڭ جاي-كۇيىنە تالداۋ جاساۋدى جوسپارلاپ وتىر.