الماتى وبلىسىندا 4 ساعات ىشىندە جول ەرەجەسىن بۇزعان 30-عا جۋىق جۇرگىزۋشى ۇستالدى

الماتى وبلىسىندا 4 ساعات ىشىندە جول ەرەجەسىن بۇزعان 30-عا جۋىق جۇرگىزۋشى ۇستالدى سۋرەت: Almaty.tv

رەيد جۇمىستارى ءجۇرىپ جاتىر 


ىشكى ىستەر مينيسترلىگى كەشەدەن بەرى جول قوزعالىسى قاۋىپسىزدىگىنە بايلانىستى رەيد جۇمىستارىن جۇرگىزىپ جاتىر، دەپ حابارلايدى Almaty-akshamy.kz Almaty.tv-گە سىلتەمە جاساپ.


ەلىمىزدە جولداردا كولىكتەردى تەكسەرۋ كۇشەيتىلدى. ىشكى ىستەر مينيسترلىگى كەشەدەن بەرى جول قوزعالىسى قاۋىپسىزدىگىنە بايلانىستى رەيد جۇمىستارىن جۇرگىزىپ جاتىر. بۇگىن تەكسەرىس الماتى-ۇزىناعاش جانە الماتى-بىشكەك تاسجولدارىندا جۇرگىزىلدى. نەبارى 4 ساعاتتىڭ ىشىندە 30-عا جۋىق حاتتاما تولتىرىلىپ، ەرەجە بۇزعان جۇرگىزۋشىلەرگە ايىپپۇل سالىندى.
تاسجولداعى تاڭعى تەكسەرىس جول كولىك كەپتەلىسىن تۋدىرعان جۇرگىزۋشىلەرگە حاتتاما تولتىرۋدان باستالدى. ەرەجەنى ەسكەرمەگەندەر ەندى 22 مىڭ تەڭگە ايىپپۇل تولەيدى. ال جولدىڭ قاراما-قارسى باعىتىمەن كەلىپ، جول كولىك وقيعاسىن تۋدىرعاندار ءتىپتى جۇرگىزۋشى كۋالىگىنەن ايىرىلدى.



«جولدىڭ شەتىمەن قارسى باعىتقا جولعا شىعىپ، جول ەرەجەسىن بۇزىپ جاتقان جۇرگىزۋشىلەرمەن الدىن الۋ جۇمىسىن جۇرگىزىپ جاتىرمىز»، – دەدى وبلىستىق پوليسيا دەپارتامەنتى پاترۋل پوليسياسى باتالونىنىڭ اعا ينسپەكتورى بولات تورەقۇلوۆ.



اسىققانداردىڭ الدى 43 مىڭنان باستاپ 7 مىڭعا دەيىن ايىپپۇل ارقالادى. ال كولىگى بۇزىلىپ، جانارمايى تاۋسىلعان جۇرگىزۋشىلەرگە تۇسىندىرمە جۇمىستارى جۇرگىزىلدى. ال  زاڭدى ورەسكەل بۇزعاندار جاۋاپتان جالتارا المادى.



«ءقازىر ەكى ايىپپۇل جازىپ بەردى. ءبارىن تولەي بەرەتىن بولساق، نە بولامىز سوندا؟ الدىمەن جولدى جاساسىن. 1 ساعاتتان ارتىق كەپتەلىستە تۇرمىز»، – دەدى  جۇرگىزۋشى بەرىكباي سارسەنبايەۆ.



كەپتەلىستىڭ كەسىرىنەن كەيدە ارتىق-كەم ءجۇرىپ قويامىز دەگەندەر جول قوزعالىسىنىڭ  قيىنداعانىنا وسى ماڭداعى سالىنىپ جاتقان اينالما جول سەبەپ دەپ وتىر.



«كۇندە تاڭنان كەشكە دەيىن، كەپتەلىس. جالعىز مەن ەمەس، قانشاما ادام جۇرەدى بۇل جولمەن»، – دەدى جۇرگىزۋشى ەركىن ازامات.



جۇمىسىمىزدى ءبىرى تۇسىنسە، ەندى ءبىرى جەكىپ كەتەدى دەگەن پوليسيا قىزمەتكەرلەرى جالپاق جۇرتتىڭ جۇمىسقا قالاعا قاتىنايتىنىن تۇسىنەمىز دەيدى. سول سەبەپتى دە جولداعى كەپتەلىستى ەسكەرىپ، ەرتە شىعۋىن سۇرايدى.



«الماتى-بىشكەك تاسجولىندا تۇرمىز. 19 شاقىرىمانان 21 شاقىرىمعا دەيىن كەپتەلىس. كەپتەلىستىڭ بىردەن-بىر سەبەبى ءقازىر كوپىر سالىنىپ جاتىر»، – دەدى وبلىستىق پاترۋل پوليسياسى باتالونىنىڭ اعا لەيتەنانتى ەدۋارد ابۋلتايەۆ.



ال رايىمبەك اۋىلدىق وكرۋگى ماڭىنداعى اينالما جولدىڭ قۇرىلىسى 2 مامىردان باستاپ ءجۇرىپ جاتىر. الماتى-بىشكەك تاسجولىنداعى كوپىر قۇرىلىسى دا اياقتالۋعا جاقىن.



«25 تامىزدا ءبىز بۇل جولدى قايتا اشامىز. قۇجات بويىنشا كەلىسىمشارت 2024 جىلعا دەيىن جاسالعان. ءبىراق جولدى وسى جىلى تولىق سالىپ بەرۋگە تىرىسامىز. ونىڭ ءۇزىندىعى 66 شاقىرىم بولسا، 33 شاقىرىمىنا اسفالت توسەپ قويدىق»، – دەدى «باكاد» جوباسىنىڭ باس ارحيتەكتورى گيۋناي گوكالپ.



مەردىگەر مەكەمە ۋادەسىندە تۇرىپ تاس جولدىڭ بارلىق جولاقتارى ۋاقىتىلى اشىلسا، قالاعا قاتىنايتىن كولىكتەردىڭ قوزعالىسى ءبىرشاما جەڭىلدەي تۇسەتىن ەدى. ال ازىرگە قوزعالىس قيىنداعان ايماقتاردى جول پاترۋلدىك كولىكتەرى باقىلاۋدا ۇستايدى.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

17:17

16:03

15:15

14:18

13:38

12:12

11:51

11:11

10:50

10:11

18:30

17:39

17:36

16:14

15:15

14:16

13:07

12:47

12:15

12:10

12:08

12:06

12:04

12:02

11:56