دەرەكتەردە قاۋىپسىزدىك ساقتالادى
بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين الەۋمەتتىك جەلىدە جازدى، دەپ حابارلايدى Almaty-akshamy.kz.
«ەندى eGov mobile-دا تەك بيومەتريالىق دەرەكتەر ارقىلى تىركەلۋگە بولادى. بۇرىنعىداي سمس حابارلاما كۇتۋدىڭ قاجەتى جوق جانە پايدالانۋشىلاردىڭ دەرەكتەرىندە قاۋىپسىزدىك ساقتالادى. ءقازىر eGov mobile – بۇل وتە ىڭعايلى قوسىمشا جانە حالىققا قىزمەت كورسەتۋ ورتالىقتارىندا الاتىن قىزمەتتەردى وسى جەردەن جىلدام الۋعا بولادى. اتاپ ايتقاندا، 400 مەملەكەتتىك قىزمەت جانە جەكە تۇلعالارعا ارنالعان e-license قىزمەتتەرى، جەكە كۋالىك پەن جۇرگىزۋشى كۋالىگىن قوسا العاندا، 18 ساندىق قۇجات بار»، – دەدى مينيستر.
سونداي-اق ول مەملەكەتتىك قىزمەتتەردى تەلەفوننان جىلدام الۋعا كومەكتەسەتىن مۇمكىندىكتەردى ىسكە اسىرۋ باعىتىندا ءتيىستى جۇمىستار اتقارىلىپ جاتقانىن ايتتى.
«بيومەتريالىق دەرەكتەر ارقىلى تىركەلۋگە توقتالا كەتسەم. Digital ID جۇيەسى ارقىلى الدىن الا بەينە-سايكەستەندىرۋدەن ءوتىپ، ەسق كىلتتەرىن الۋ قاجەت. ءوزىم ارنايى كىرىپ كوردىم، 2-3 مينۋت ۋاقىتىمدى الدى. ءقازىر ارىپتەستەرىمىز قازاقستاندىقتارعا مەملەكەتتىك قىزمەتتەردى تەلەفوننان جىلدام الۋعا كومەكتەسەتىن مۇمكىندىكتەردى ىسكە اسىرۋ باعىتىندا ءتيىستى جۇمىستار اتقارۋدا»، – دەپ جازدى باعدات مۋسين.