ءبىرقاتار تاسجولدى اقىلى ەتۋ جوباسى جۇزەگە اسىپ جاتىر.
پرەمەر-مينيستر ءاليحان سمايىلوۆتىڭ توراعالىعىمەن وتكەن كەڭەستە اۆتوجول جەلىسى مەن كولىك ينفراقۇرىلىمىن دامىتۋ شارالارى قارالدى، دەپ حابارلايدى اlmaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
مەملەكەتتىك بيۋدجەتكە تۇسەتىن جۇكتەمەنى ازايتۋ جانە رەسپۋبليكالىق ماڭىزى بار جولداردىڭ ساپاسىن جاقسارتۋ ماقساتىندا قوزعالىسى قارقىندى: ءبىرقاتار تاسجولدى اقىلى ەتۋ جوباسى جۇزەگە اسىپ جاتىر.
ءبىرىنشى كەزەڭدە ۇزىندىعى 5،5 مىڭ شاقىرىم جولداردا بەينەباقىلاۋ كامەرالارىمەن، ليدارلارمەن، بايلانىس انتەننالارىمەن جانە باسقا دا قۇرالدارمەن جابدىقتالعان 100-گە جۋىق باقىلاۋ اركاسى ورناتىلدى. اتاپ ايتقاندا، ۇزىندىعى 1،5 مىڭ شاقىرىم I ساناتتاعى ۋچاسكەلەر 2021 جىلعى قاراشادان باستاپ اقىلى بولعان.
بۇل جول توسەمىنە كۇتىم جاساۋعا، قوزعالىس قاۋىپسىزدىگىن ارتتىرۋعا جانە ىلەسپە ينفراقۇرىلىمدى دامىتۋعا مۇمكىندىك بەرەدى.
كەڭەس قورىتىندىسى بويىنشا I كەزەڭ ۋچاسكەلەرىندە جۇك كولىكتەرىنىڭ ءجۇرىپ وتكەنى ءۇشىن اقى الۋ جۇيەسىن ىسكە قوسۋ بويىنشا جۇمىستى جالعاستىرۋ تۋرالى شەشىم قابىلداندى. بۇل ءبىرىنشى كەزەكتە قازاقستان اۋماعى ارقىلى وتەتىن ترانزيتتىك كولىككە قاتىستى بولادى.
پرەمەر-مينيستر جول جەلىسىن جاڭعىرتۋ كەزىندە بەينەباقىلاۋدى كۇشەيتۋگە، جۇرگىزۋشىلەر مەن جولاۋشىلاردىڭ قاۋىپسىزدىگىن ارتتىرۋعا باسا نازار اۋدارۋ قاجەت ەكەنىن ايتتى.