الماتى وبلىسىنىڭ پوليسيا دەپارتامەنتىندە وتان قورعاۋشىلار كۇنى مەن جەڭىس كۇنى قارساڭىندا وڭىردەگى پوليسيا قىزمەتكەرلەرىن ەرلىگى، ءمىنسىز قىزمەتى مەن ادالدىعى ءۇشىن ماراپاتتاۋ ءراسىمى ءوتتى
ىشكى ىستەر ورگاندارىنىڭ داڭقتى ءداستۇرى كەڭ-بايتاق جەرىمىزدى جانقيارلىقپەن قورعاپ قالعان باتىر بابالارىمىز بەن ۇلى وتان سوعىسى ارداگەرلەرىنىڭ وشپەس ەرلىگىنەن باستاۋ الادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل كۇن قازاقستاندىقتاردىڭ ۇلى وتان سوعىسىنداعى ەرلىكتەرىنىڭ شەجىرەسىن دە، وتانعا قىزمەت ەتۋ داستۇرلەرىنىڭ ساباقتاستىعىن دا بىلدىرەدى. بابالارىمىزدىڭ ەرلىگى داڭقتى جەڭىستىڭ ۇلى مۇراسى رەتىندە ۇرپاقتان-ۇرپاققا جالعاسادى»، – دەدى دەپارتامەنت باستىعى باۋىرجان الەنوۆ.
سونداي-اق ءىس-شارادا ىشكى ىستەر ورگاندارىنا قىزمەتكە جاڭادان كەلگەن 20 تاعىلىمدامادان ءوتۋشى ءوزىنىڭ قىزمەتتىك بورىشىنا، قازاقستان رەسپۋبليكاسى مەن ونىڭ حالقىنا ادال بولۋعا انت بەردى. انت قابىلداعاننان كەيىن بارلىق جاس قىزمەتكەرلەردى تالىمگەرلەر كەڭەسىنىڭ ءتوراعاسى ساعاتبەك نۇراحمەتوۆ العاشقى وفيسەرلىك شەندەرىن الۋلارىمەن قۇتتىقتادى.
«انت ءومىردى بۇرىنعى جانە كەيىنگى دەپ ەكىگە بولەدى. وسى ساتتەن باستاپ ءارقايسىڭىز بۇگىنگى ايتىلعان سوزدەر ومىرلىك ۇستانىمعا اينالۋى ءۇشىن ءومىر سۇرۋگە مىندەتتىسىزدەر. سىزدەر ءوز ارىپتەستەرىڭىزدىڭ، ۇلى وتان سوعىسى ارداگەرلەرىنىڭ، وتان ازاتتىعى ءۇشىن جانىن قيعان جاۋىنگەرلەر مەن قولباسشىلار الدىندا ەلگە، حالىققا ادال قىزمەت ەتۋگە، قازاقستان زاڭدارى مەن حالقىن قورعاۋعا انت بەردىڭىزدەر. ءارقايسىلارىڭىز اتا-بابالارىڭىزدى ەسكە الۋعا لايىق بولاتىندارىڭىزعا سەنىمدىمىن»، – دەدى س. نۇراحمەتوۆ جاس قىزمەتكەرلەرگە.
ىشكى ىستەر ورگاندارىندا انت قابىلداۋ جاي عانا ءداستۇر ەمەس، ول قوعام مەن مەملەكەتكە قىزمەت ەتۋ يدەولوگياسىنىڭ نەگىزى بولىپ تابىلادى. – جاس ماماندار ەل تاعدىرىن ءوز تاعدىرىنان بيىك قويعان پوليسيا قىزمەتكەرلەرىنىڭ ۇستانىمدارىن ەرلىكپەن جالعاستىرىپ، سىناقتاردان ابىرويمەن ءوتىپ، وزدەرىنىڭ قىزمەتتىك مىندەتتەرىن ادال اتقاراتىنىنا سەنىمدىمىن، – دەپ اتاپ ءوتتى ب. الەنوۆ. ساپتىق الاندا سالتاناتتى شەرۋمەن وتكەن الماتى وبلىسىنىڭ پوليسەيلەرى قوعامدىق ءتارتىپ پەن ازاماتتاردىڭ قاۋىپسىزدىگىن ساقتاۋ بويىنشا وزدەرىنە جۇكتەلگەن مىندەتتەردى ورىنداۋعا دايىن ەكەندىكتەرىن كورسەتتى.