وبلىستا ەپيدەميولوگيالىق احۋال كۇردەلىلەنىپ كەلەدى.
وعان سوڭعى تاۋلىكتە وڭىردەگى 24 تۇرعىننان «COVID-19» اۋرۋىنىڭ بەلگىلەرى انىقتالۋى سەبەپ بولعان. ءسويتىپ، ايماق ەپيدەميولوگيالىق احۋالدىڭ كۇردەلىلەنۋى جاعىنان نۇر-Cۇلتان جانە الماتى قالاسىنان كەيىنگى ساتىعا ورنالاستى، دەپ حابارلايدى Almaty-akshamy.kz
ىندەت، اسىرەسە، قاراساي اۋدانىندا ءورشىپ تۇر. وندا ءبىر كۇندە 16 ادامنىڭ سىرقاتتانعانى بەلگىلى بولدى. ودان كەيىنگى تىزىمدە بالقاش جانە ىلە، تالعار اۋداندارى تۇر. وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە ناۋقاستاردىڭ 36 پروسەنتى 14 جاسقا دەيىنگى بالالار. قالعانى ەرەسەك ادامدار.
«سوڭعى ەكى اپتامەن سالىستىرعاندا، الماتى وبلىسىندا وتىز جاعدايدان 119 جاعدايعا دەيىن ءوسىپ وتىر. سىرقاتتانعانداردىڭ قىرىق پايىزعا جۋىعى ۆاكسينانىڭ ەكى كۋرسىن العاننان كەيىن قايتا ريەۆاكسيناسيا كۋرسىنا بارماعاندار نەمەسە مۇلدە ەكپە الماعاندار بولىپ وتىر»، - دەدى وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسپا ءسوز حاتشىسى ءاليا شاعياحمەت.