سوت شەشىمىمەن 200 مىڭ رۋبل ايىپپۇل تولەۋ مىندەتتەلدى.
كراسنودار وڭىرلىك سوتى كاسپيي قۇبىر كونسورسيۋمىنىڭ جۇمىسىن توقتاتا تۇرۋ جونىندەگى شەشىمدى وزگەرتىپ، ايىپپۇلعا الماستىردى. كونسورسيۋمعا 200 مىڭ رۋبل ايىپپۇل تولەۋ مىندەتتەلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«200 مىڭ رۋبل ايىپپۇل تولەۋگە وزگەرتىلىپ، شەشىمنىڭ قالعان بولىگى وزگەرىسسىز قالدىرىلسىن»، - دەگەن كراسنودار وڭىرلىك سوتىنىڭ سۋدياسى.
ەسكە سالساق، نوۆوروسسييسكىنىڭ پريمورسك اۋداندىق سوتى قۇجاتتىق زاڭ بۇزۋشىلىقتار ءۇشىن «كتك-ر» كومپانياسىنىڭ قىزمەتىن 30 تاۋلىككە توقتاتقان بولاتىن.
ق ر پرەمەر-مينيسترى ءاليحان سمايىلوۆ كاسپيي قۇبىر كونسورسيۋمى قىزمەتىنىڭ ۋاقىتشا توقتاپ قالۋىنا بايلانىستى جەدەل كەڭەس وتكىزدى.
پرەزيدەنت قاسىم-جومارت توقايەۆ مۇناي تاسىمالداۋدا ترانسكاسپيي باعدارىن دامىتۋدى تاپسىردى.
كەيىن ق ر ەنەرگەتيكا مينيسترلىگىنەن قازاقستان مۇنايى كاسپيي قۇبىر كونسورسيۋمىنىڭ قۇبىر جەلىسى ارقىلى شتاتتىق رەجيمدە ەكسپورتتالىپ جاتقانىن ءمالىم ەتتى.