الماتى وبلىسىندا 1486 ادامدى كەنە شاققان.
ونىڭ جارتىسىنان استامى، ياعني، 58%-ى — 14 جاسقا دەيىنگى بالالار، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الماتى وبلىسى كەنە ەنسەفاليتى بويىنشا ەندەميالىق ايماقتا ورنالاسقان. ماۋسىم باستالعاننان بەرى اۋداندار مەن قالالاردىڭ مەديسينالىق ۇيىمدارىنا 1486 ادام جۇگىنگەن، ونىڭ 58%-ى — 14 جاسقا دەيىنگى بالالار. وتكەن جىلدىڭ سايكەس كەزەڭىمەن سالىستىرعاندا كەنە شاعۋمەن 1025 ادام مەديسينالىق كومەككە جۇگىنگەن، ونىڭ 64%-ى — 14 جاسقا دەيىنگى بالالار. بۇل كەنە شاعۋ سانىنىڭ 31%-عا ارتقانىن كورسەتەدى. بيىلدىڭ ءساۋىر ايىنان باستاپ ورمان جانە قالالىق ساياباقتار مەن سكۆەرلەر اۋماعىندا كەنەگە قارسى ۋ سەبۋ جۇمىستارى جۇرگىزىلدى. ءبىرىنشى تۋر 968 گا اۋماقتى قامتىدى، بۇل 11 اۋدان جانە 2 قالا»،- دەلىنگەن الماتى وبلىستىق سانيتاريالىق ەپيدەميولوگيالىق قاداعالاۋ دەپارتامەنتى باسپا ءسوز قىزمەتىنىڭ حابارلاماسىندا.
اتاپ ايتقاندا، اقسۋ اۋدانىندا 18 گا، الاكول اۋدانىندا -51 گا، ەڭبەكشىقازاق اۋدانىندا - 235،5 گا، ەسكەلدى اۋدانىندا - 55 گا، قاراساي اۋدانىندا - 100 گا، كەربۇلاق اۋدانىندا - 40 گا، رايىمبەك اۋدانىندا – 24 گا، سارقان اۋدانىندا – 38 گا، تالعار اۋدانىندا – 263،5 گا، ۇيعىر اۋدانىندا-55 گا، كەگەن اۋدانىندا-60 گا جەر وڭدەلدى.، تالدىقورعان قالاسىندا – 13 گا، تەكەلى قالاسىندا 15 گەكتار جەر كەنەگە قارسى وڭدەلگەن.
«ايتا كەتۋ كەرەك، كەنەگە قارسى وڭدەۋدىڭ ەكىنشى كەزەڭى ماۋسىمنىڭ ءبىرىنشى جارتىسىندا جوسپارلانعان. بۇل الماتى وبلىسىنداعى اۋا-رايىنىڭ قولايسىزدىعىنا بايلانىستى. ءىس-شارالار باستالار الدىندا مىندەتتى تۇردە اقپاراتتىق بەلگىلەر قويىلادى، ازاماتتارعا كەنەگە قارسى وڭدەۋدەن كەيىن 3 تاۋلىك ىشىندە ساياباقتارعا، سكۆەرلەرگە جانە تابيعي وشاقتارعا نازار اۋدارۋ جانە بارماۋ قاجەت. كەنە ەنسەفاليتىنىڭ الدىن الۋدىڭ نەگىزگى شاراسى ۆاكسيناسيا ەكەنىن اتاپ وتكەن ءجون. الماتى وبلىسىندا ەگۋدى دارىگەردىڭ كەڭەسىنەن كەيىن تۇرعىلىقتى جەرى بويىنشا اۋماقتىق ەمحانالاردان تەگىن الۋعا بولادى»،- دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.