BATYR BEINESI كوللەكسيالىق مونەتالاردى شىعارا باستادى.
قازاقستاندا BATYR BEINESI كوللەكسيالىق مونەتالار اينالىمعا شىعارتىن بولدى. بۇل تۋرالى مامىردىڭ 18 كۇنى ۇلتتىق بانكتىڭ باسپا ءسوز قىزمەتى جاريالادى، دەپ حابارلايدى Almaty-akshamy.kz.
18 مامىردا دارىندى كومپوزيتور جانە ءانشى باتىرحان شۇكەنوۆتىڭ تۋعانىنا 60 جىل تولادى. نومينالى 500 تەڭگەلىك كۇمىستەن جاسالعان Street art. BATYR BEINESI كوللەكسيالىق مونەتالارى «قازاقستاندى مونەتالار ارقىلى تانى» اتتى جاڭا سەريانى اشادى.
«Street art. BATYR BEINESI جاڭا مونەتاسى زاماناۋي ونەر مەن باتىرحان شۇكەنوۆتى ماڭگى ەستە قالدىرۋ سەكىلدى بىردەن ەكى ماعىنالىق جەلىنى بىرىكتىرەدى. بۇل – قۇب-تىڭ ستريت-ارت سياقتى قازىرگى زامانعى جاستار ونەرىن قولداۋعا ارنالعان العاشقى كوللابوراسيالىق مونەتا جوباسى»،- دەلىنگەن ۇلتتىق بانك حابارلاماسىندا.
مونەتانىڭ ديزاينىندا قازاقستان ستريت-ارتىنىڭ ەڭ جارقىن جۇمىستارىنىڭ ءبىرى — REPAS كومانداسىنىڭ «باتىر بەينەسى» گراففيتيى بەينەلەنگەن. اۆتورلاردىڭ باستاماسى بويىنشا ونى مونەتانىڭ ديزاينىندا پايدالانۋ قۇقىعى قۇب-قا وتەۋسىز نەگىزدە بەرىلدى.
مونەتالار proof ساپامەن كۇمىستەن جاسالعان، سىناماسى – 925/1000، سالماعى – 31،1 گرامم، ديامەترى – 38،61 مم، نومينالى – 500 تەڭگەلىك، تارالىمى – 5 000 دانا.
كوللەكسيالىق مونەتالار ناقتى قۇنىنا ساي قازاقستان رەسپۋبليكاسىنىڭ بۇكىل اۋماعىندا تولەمدەردىڭ بارلىق ءتۇرى بويىنشا قابىلداۋعا، سونداي-اق قازاقستان رەسپۋبليكاسىنىڭ بانك شوتتارىندا اۋدارۋعا، ۇساقتاۋعا جانە ايىرباستاۋعا جاتادى.
كۇمىستەن جاسالعان مونەتالار كادەسىي ورامىندا مەملەكەتتىك تىلدە، ورىس جانە اعىلشىن تىلدەرىندە قۇب-تىڭ نومىرلىك ساپا سەرتيفيكاتىمەن شىعارىلادى.
كوللەكسيالىق مونەتالار قازاقستان تەڭگە سارايىندا دايىندالعان.
