بيىل 36،1 مىڭ ازاماتقا تولەم العاش رەت تاعايىندالدى.
جىل باسىنان بەرى قازاقستان ۇكىمەتى جۇمىسسىز قالعان 43 مىڭعا جۋىق قازاقستاندىققا الەۋمەتتىك كومەك كورسەتتى، دەپ حابارلايدى Almaty-akshamy.kz.
«2022 جىلعى 1 مامىرداعى جاعداي بويىنشا مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلۋىنا بايلانىستى 43 مىڭ ادامعا الەۋمەتتىك تولەم تولەندى. بيىل 36،1 مىڭ ازاماتقا تولەم العاش رەت تاعايىندالدى»،- دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
قولدانىستاعى زاڭناماعا سايكەس جۇمىستان بوساتىلعان قىزمەتكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەمدەر الادى. تولەم قىزمەتكەر جوعالتقان تابىستىڭ 40% - نا دەيىنگى مولشەردە ءماسق قاراجاتى ەسەبىنەن جۇزەگە اسىرىلادى.
جۇمىستان بوساتىلعان قىزمەتكەرگە تولەم تاعايىنداۋ ءۇشىن:
- eGov.kz پورتالىندا تىركەلۋ؛
- «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەپ جۇرگەن ادامداردى تىركەۋ» قىزمەتىن تاڭداۋ؛
- ونلاين قىزمەتكە تاپسىرىس بەرىپ، بارلىق جولداردى تولتىرۋ جانە ەسق-مەن قول قويۋ ارقىلى ءوتىنىمدى جىبەرۋ قاجەت؛
- ءبىر كۇن ىشىندە ءوتىنىش بەرۋشىنىڭ تۇرعىلىقتى جەرى بويىنشا جۇمىسپەن قامتۋ ورتالىعى (بۇدان ءارى – حجقو) بوس جۇمىس ورىندارىن ۇسىنادى؛
- ەگەر جۇمىس تابىلماسا، 3 كۇن ىشىندە قاشىقتان جۇمىسسىز مارتەبەسى بەرىلەدى (قاجەت بولعان جاعدايدا قوسىمشا اقپارات جيناۋ ءۇشىن ءوتىنىش بەرۋشىمەن حجقو قىزمەتكەرى حابارلاسادى).
بۇل قىزمەتتى ونلاين رەجيمدە ەلەكتروندىق ەڭبەك بيرجاسى (enbek.kz) ارقىلى دا الۋعا بولادى.
ازامات جۇمىسسىز رەتىندە تىركەلگەن سوڭ ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق جۇيەسى پرواكتيۆتى فورماتتا ءماسق-نان تولەم تاعايىنداۋ بويىنشا قىزمەت كورسەتۋگە كەلىسىم بەرۋ ءۇشىن ۇيالى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.
ەستەرىڭىزگە سالا كەتەيىك، ءماسق قاراجاتى ەسەبىنەن جۇمىسىنان ايىرىلعان جاعدايدا تولەنەتىن الەۋمەتتىك تولەم جۇمىستان بوساتىلۋ سەبەپتەرىنە قاراماستان جۇزەگە اسىرىلادى جانە جۇمىسسىز ادام جۇمىس ىزدەپ جۇرگەن كەزەڭدە ونى قولداۋعا ارنالعان.
بۇدان بۇرىن حابارلانعانداي، ق ر ەڭبەك جانە حالىقتى الەۋمەتتىك قورعاۋ مينيسترلىگى ەلەكتروندىق ەڭبەك بيرجاسى ارقىلى حالىقتى جۇمىسپەن قامتۋ ورتالىقتارىنىڭ قاشىقتان قىزمەت كورسەتۋ فۋنكسيونالىن ىسكە قوستى.
بۇل جۇمىسسىزداردى تىركەۋ جانە جۇمىسپەن قامتۋدى قولداۋ بويىنشا مەملەكەتتىك قىزمەتتەردى، ونىڭ ىشىندە جۇمىسىنان ايىرىلۋ بويىنشا الەۋمەتتىك تولەمدەردى الۋ راسىمدەرىن جەڭىلدەتۋگە مۇمكىندىك بەردى. ەندى بارلىعىن تەك ينتەرنەت، كومپيۋتەر جانە ەلەكتروندىق سيفرلىق قولتاڭبانىڭ كومەگىمەن جاساۋعا بولادى.