الماتى وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى تاعايىندالدى

ق ر قارجى مينيسترلىگى الماتى وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ قۇلمۇحانبەت يساكوۆ تاعايىندالدى، دەپ حابارلايدى Almaty-akshamy.kz.
ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى باقىتجان سلياموۆ الماتى وبلىسىنىڭ اكىمىنە جانە وبلىستاعى مەملەكەتتىك ورگاندار باسشىلارىنا، مەملەكەتتىك كىرىستەر دەپارتامەنتىنىڭ ۇجىمىنا قۇلمۇحانبەت يساكوۆتى تانىستىردى.
يساكوۆ قۇلمۇحانبەت مىرزاحمەت ۇلى 1969 جىلى جامبىل وبلىسى جۋالى اۋدانى اندرەيەۆكا اۋىلىندا دۇنيەگە كەلگەن. سالىق ورگاندارىنداعى ەڭبەك جولىن 1992 جىلى باستاعان.
الماتى قالاسى بويىنشا سالىق كوميتەتىندە ءتۇرلى قىزمەتتەر اتقارعان.
الماتى وبلىسى بويىنشا سالىق دەپارتامەنتى باسشىسىنىڭ ورىنباسارى، الماتى وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ جۇمىس ىستەدى.
2017 جىلدان 2019 جىلدىڭ مامىر ايىنا دەيىن جامبىل وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى.
2019 جىلعى مامىردان باستاپ نۇر-سۇلتان قالاسى بويىنشا مەملەكەتتىك كىرىستەر دەپارتامەنتىنىڭ باسشىسى بولدى.