قۋانىش ەرعالييەۆ ق ر عىلىم جانە جوعارى ءبىلىم ۆيسە-مينيسترى بولدى

ق ر ۇكىمەتىنىڭ قاۋلىسىمەن قۋانىش اسىلحان ۇلى ەرعالييەۆ ق ر عىلىم جانە جوعارى ءبىلىم ۆيسە-مينيسترى لاۋازىمىنا تاعايىندالدى. بۇل تۋرالى ق ر پرەمەر-مينيسترىنىڭ باسپا ءسوز قىزمەتىنەن ءمالىم ەتتى، دەپ حابارلايدى Almaty-akshamy.kz.
قۋانىش ەرعالييەۆ 1982 جىلى شىعىس قازاقستان وبلىسىندا دۇنيەگە كەلگەن.
قازاق ۇلتتىق مەديسينا ۋنيۆەرسيتەتىن، تۋلەين ۋنيۆەرسيتەتىن، «قازتۇتىنۋوداعى» قاراعاندى ەكونوميكالىق ۋنيۆەرسيتەتىن، گارۆارد ۋنيۆەرسيتەتىن ءتامامداعان.
ەڭبەك جولىن 2006 جىلى الماتى قالاسىنداعى جەدەل مەديسينالىق جاردەم ستانسياسىندا فەلدشەر بولىپ باستادى.
2009-2014 جىلدارى ق ر دەنساۋلىق ساقتاۋ مينيسترلىگىندە ءتۇرلى لاۋازىمداردى اتقاردى.
2014-2019 جىلدارى — نازاربايەۆ ۋنيۆەرسيتەتى ينتەگراسيالانعان اكادەميالىق دەنساۋلىق ساقتاۋ جۇيەسى دەپارتامەنتىنىڭ اعا مەنەدجەرى.
2019-2021 جىلدارى سۇلەيمان دەميرەل اتىنداعى ۋنيۆەرسيتەت رەكتورى قىزمەتىن اتقاردى.
2021 جىلدىڭ ماۋسىمىنان باستاپ ق ر ءبىلىم جانە عىلىم ۆيسە-مينيسترى بولدى.
بۇعان دەيىن ق ر عىلىم جانە جوعارى ءبىلىم ءمينيسترى ساياسات نۇربەكتىڭ تاعى ءبىر ورىنباسارى تاعايىندالعان بولاتىن.