سەگىز فاكت انىقتالدى.
كەلىسىم سوماسى 6-10 ميلليون تەڭگەنى قۇراعان، دەپ حابارلايدى Almaty-akshamy.kz
الماتى وبلىسىنىڭ پوليسيا دەپارتامەنتى پروكۋراتۋرانىڭ ۇيلەستىرۋىمەن ادامنىڭ ىشكى ورگاندارىن الىپ-ساتۋمەن اينالىسقان قىلمىستىق توپتىڭ ارەكەتىنە توسقاۋىل قويدى.
الماتى قالاسى، الماتى، جامبىل جانە تۇركىستان وبلىستارىنداعى ۇيىمداسقان قىلمىسقا قارسى كۇرەس بولىنىستەرىمەن 22 فيگۋرانت (ۇيىمداستىرۋشىلار، مەديسينا قىزمەتكەرلەرى، نوتاريۋس، رەسيپيەنتتەر مەن دونورلار) جەتكىزىلدى.
ولار رەسيپيەنتتەر مەن دونورلاردى ىزدەۋ، جالعان قۇجاتتاردى رەسىمدەۋ جانە ىشكى ورگانداردى ترانسپلانتاسيالاۋ بويىنشا وپەراسيالاردى ۇيىمداستىرۋ مىندەتتەرىن ءوزارا ءبولىسىپ، ارەكەت ەتكەن. كەلىسىم سوماسى 6-10 ميلليون تەڭگەنى قۇرادى، وسىنداي سەگىز فاكت انىقتالدى.
ءۇش نەگىزگى ۇيىمداستىرۋشى قاماۋعا الىندى. ىزدەستىرۋ ءىس-شارالارىنىڭ ناتيجەلەرى بويىنشا كۇدىكتىلەردەن اقشا، قۇجاتتاما، سيفرلىق تاسىمالداعىشتار جانە باسقا دا زاتتاي دالەلدەمەلەر تاركىلەندى.
“حالىق دەنساۋلىعى جانە دەنساۋلىق ساقتاۋ جۇيەسى تۋرالى” قازاقستان رەسپۋبليكاسىنىڭ كودەكسىنە سايكەس ترانسپلانتاسيالاۋ كەزىندە ادام اعزالارى مەن تىندەرىن الىپ-ساتۋعا تىيىم سالىنادى. ق ر قك-نىڭ 116-بابى بويىنشا “ادامنىڭ اعزالارى مەن تiندەرiن الىپ قويۋعا ماجبۇرلەۋ نەمەسە زاڭسىز الىپ قويۋ” سوتقا دەيىنگى تەرگەپ-تەكسەرۋ جۇرگىزىلىپ جاتىر. باپتىڭ سانكسياسى مۇلكى تاركىلەنىپ، ون ەكى جىلعا دەيىن باس بوستاندىعىنان ايىرۋ تۇرىندەگى جازانى كوزدەيدى. قپك-نىڭ 201-بابىنا سايكەس وزگە اقپارات جاريا ەتۋگە جاتپايدى.