الماتى قالاسىنىڭ جاستارى #RepublicDay مەرەكەلىك چەللەندجىن قابىلداپ، ارنايى اكسيا ۇيىمداستىردى.
ادام كوپ جۇرەتىن اربات الاڭىندا پاتريوتتىق اندەر شىرقالىپ، تۇرعىندارعا كوك تۋىمىز تاراتىلدى، دەپ حابارلايدى Almaty-akshamy.kz.
قىدىرۋشىلارعا ەل تاريحىنا قاتىستى ءتۇرلى ۆيكتورينالىق سۇراقتار قويىلىپ، سىيلىقتار ۇلەستىرىلدى. اكسيانىڭ ماقساتى – رەسپۋبليكا كۇنى قارساڭىندا جاستار اراسىندا مەرەكەنىڭ ءمان-ماڭىزىن ءتۇسىندىرۋ جانە جاستاردىڭ جەتكەن جەتىستىكتەرىن ناسيحاتتاۋ دەيدى ۇيىمداستىرۋشىلار.
«ءبىز چەللەندجدى قابىلداپ، قازىرگى تاڭدا جالعاستىرىپ جاتىرمىز. چەللەندج نەگىزىنەن الەۋمەتتىك جەلىدە جولدانعان بولاتىن. ءبىز تەك الەۋمەتتىك جەلىدە ەمەس وسىنداي پاتريوتتىق اكسيالار ۇيىمداستىرىپ، سونىمەن قاتار ءوزىمىزدىڭ تاجىريبەمىزبەن ءبولىسىپ، بارىنشا تۇرعىندارىمىزدى مەرەكەمەن قۇتتىقتاۋ ماقساتىندا وسىندا كەلىپ وتىرمىز»، - دەيدى قالالىق جاستار ساياساتىن دامىتۋ مەملەكەتتىك قورى باسشىسىنىڭ مىندەتىن اتقارۋشى باعدات اناربايەۆا.